ఆఆపా కేజ్రీవాల్ అరెస్ట్

Posted: 05/21/2014 04:58 PM IST

నితిన్ గడ్కరీ మీద ఆధారాలు లేకుండా అవినీతి ఆరోపణలు చేసినందుకు అరవింద్ కేజ్రీవాల్ మీద వేసిన పరువు నష్టం దావా కోర్టుకి రాగా కేజ్రీవాల్ బెయిల్ బాండ్ ఇవ్వటానికి నిరాకరించటంతో ఆయనను అరెస్ట్ చెయ్యమని కోర్టు ఆదేశించింది.  

ఈ కేసు మీద విచారణను కోర్టు ఎల్లుండికి వాయిదా వేసింది.  

తనని ప్రత్యేకంగా చూడాలని కేజ్రీవాల్ ఆశిస్తున్నారని, ఆయన్ని వెంటనే అరెస్ట్ చేసి తిహార్ జైలుకి తరలించమని కోర్టు ఆదేశించింది.  రూ.10000 కి బెయిల్ బాండ్ ఇవ్వటానికి కేజ్రీవాల్ తిరస్కరించటంతో కోర్టు ఆ విధంగా ఆదేశాలు జారీ చేసింది.  ఈ కేసులో ఎప్పుడు పిలిస్తే అప్పుడు హాజరవటానికి అంగీకరించిన కేజ్రీవాల్ బెయిల్ బాండ్ ఇవ్వటానికి తిరస్కరించటంతో, అందులో ఆయనకొచ్చిన సమస్య ఏమిటి, నియమాలను పాటించాలి కదా, ఈ కేసు గురించి నియమాలను మారుస్తామా అని కోర్టు వ్యాఖ్యానించింది.  

అయితే, నేనేమీ తప్పు చెయ్యలేదు, ఇదేమీ క్రూరమైన నేరం కాదు.  నేను తప్పు చెయ్యనప్పుడు బెయిల్ కోరగూడదనే సిద్ధాంతాన్ని నేను పాటిస్తాను అని కేజ్రీవాల్ సమాధానమిచ్చారు.