హీరో ఆది పెళ్లి ఆహ్వాన పత్రిక ఇదే... (ఫొటొ)

Posted: 11/08/2014 06:55 PM IST

లవర్ బాయ్ హీరో ఆది త్వరలోనే ఫ్యామిలిమెన్ కాబోతున్నాడు. లవ్ లీగా ఏడు అడుగులు వేసేందుకు సుకుమారుడు సిద్దం అవుతున్నాడు. డిసెంబర్ 13న ఈ రఫ్ మగాడి పెళ్లి జరగనుంది. దీనికి సంబంధించి సాయికుమార్ ఆహ్వాన పత్రికను విడుదల చేశారు. ఈ ఆహ్వాన ప్రతిక పాత కాలంలో రాజులు సమాచారం పంపే పత్రంలా ఉండటంతో పాటు దానిపై సమాచారం కూడా చాలా కొత్తగా ఉంది. ఆది సినిమాలు, ఇతర అంశాలను ప్రస్తావిస్తూ పెళ్ళికి రావాలని సాయికుమార్ ఆహ్వానించారు.

రాజమండ్రికి చెందిన ప్రముఖ న్యాయవాది కుమార్తె అరుణను ఆదికి ఇచ్చి పెళ్ళి చేసేందుకు అక్టోబర్ 3న నిశ్చితార్ధం జరిగిన విషయం తెలిసిందే. ముందుగా అనుకున్న ప్రకారం డిసెంబర్ 13న వీరి పెళ్ళి జరగనుంది. ఇక ఆది ఏడవ సినిమా (రఫ్) ఈనెల మూడవ వారంలో విడుదల అవుతుండగా.., వచ్చేనెలలో కొత్త జీవితంలోకి ఏడు అడుగులు వేస్తాడన్నమాట. ముందయితే మీరు ఈ పెళ్లి కార్డు చూడండి, చదవండి, మిగతా విషయలు త్వరలో మీకు అందిస్తాము.

 

 

 

కార్తిక్