భూ సేకరణ బిల్లుపై వెనక్కు తగ్గేది లేదు..

Posted: 04/26/2015 09:10 PM IST

భూ సేకరణ చట్టంపై వెనక్కి తగ్గేదిలేదని కేంద్రమంత్రి వెంకయ్యనాయుడు స్పష్టం చేశారు. భూ సేకరణ చట్టానికి పార్లమెంట్‌ ఆమోదం కోసం ప్రయత్నిస్తున్నామని ఆయన అన్నారు. ఆదివారం హైదరాబాద్‌లో ఆయన మీడియాతో మాట్లాడుతూ రాజస్థాన్‌ రైతు గజేంద్ర సింగ్‌ మరణానికి, భూ సేకరణ చట్టానికి ఎలాంటి సంబంధం లేదని తెలిపారు. కొన్ని రాజకీయ పార్టీలు కావాలనే ఎన్డీయేపై బురద జల్లుతున్నాయని ఆయన విమర్శించారు. నేషనల్‌ క్రైమ్స్‌ బ్యూరో గణాంకాల ప్రకారం గత దశాబ్ద కాలంగా దేశంలో రెండు లక్షల 97వేల మంది ఆత్మహత్యలు చేసుకున్నారని వెంకయ్యనాయుడు చెప్పారు.

రైతు ఆత్మహత్యలపై నరేంద్రమోదీ ప్రభుత్వాన్ని నిందించడం సరికాదని వెంకయ్యనాయుడు హితవు పలికారు. గత రెండు దశాబ్దాలుగా జరుగుతున్న రైతు ఆత్మహత్యలను యూపీఏ సర్కార్‌ ఎందుకు ఆపలేకపోయిందని ఆయన ప్రశ్నించారు. భూసేకరణ చట్టం పార్లమెంట్‌లో ఆమోదం పొందడం కోసం ప్రయత్నం చేస్తున్నాట్లు ఆయన స్పష్టం చేశారు.
 
జి మనోహర్