ప్రియుడితో ఎంజాయ్ చేయాలనుకుంది.. కటకటాలపాలైంది..

Posted: 04/28/2015 06:23 PM IST

ప్రియుడితో కలసి ఎంజాయ్ చేయాలనుకుంది. ఎంచక్కా చట్టపట్టాలేసుకుని తిరగాలని భావించింది. అయితే ఇందుకు అడ్డుగా వున్న తన భర్తను అడ్డు తోలగించుకోవాలని భావించింది. తన ప్రియుడితో కలసి భర్తను హతమార్చింది. అంతేకాదు.. కేసు దర్యాప్తులో పోలీసులను తప్పు దారి పట్టించేందుకు కూడా యత్నించింది.. అంత సరిగ్గానే ప్లాన్ చేసినా.. పోలీసుల నిఘా నేత్రాల ముందు నిజాన్ని అంగీకరించక తప్పలేదు. దీంతో చివరకు కటకటాలపాలైంది. గుంటూరు జిల్లాలో సంచలనం రేపిన గుప్తనిధుల హత్య కేసును పోలీసులు ఛేదించారు. ఇది గుప్త నిధుల కోసం జరిగిన హత్యగా భావించి కేసు నమోదు చేసిన పోలీసులు.. చివరకు  ప్రియుడితో కలిసి భార్యే భర్తను హతమార్చిందని తేల్చారు.

గుంటూరు జిల్లా మాచవరం మండలం తురకపాలెంలో చోటుచేసుకున్న ఈ ఘటన వివరాలు ఇలా వున్నాయి. గుప్తనిధుల వేట కోసం తాడుట్ల ఫారెస్ట్‌లోకి వెళ్లిన సుబానీని.. అతని భార్య యుసుబన్, ప్రియుడు హుస్సేన్ కలిసి బండరాయితో మోది చంపేశారు. ఈ కేసు విచారణను చేపట్టిన పోలీసులు మొదట గుప్తనిధుల కోసం జరిగిన హత్యగా భావించారు. అనంతరం పూర్తి ఆధారాలు సేకరించి భార్య, ఆమె ప్రియుడు కలిసి హతమార్చారని నిర్థారించి వారిని అరెస్టు చేశారు.

జి. మనోహర్