కేంద్ర మంత్రి సుష్మాపై విపక్షాల ముప్పేటదాడి.. రాజీనామాకు డిమాండ్

Posted: 06/15/2015 10:31 PM IST

ఐపీఎల్ మాజీ చైర్మన్, నిధులు గోల్ మాల్ అంశంలో నిందితుడిగా అభియోగాలను ఎదుర్కోంటూ లండన్ లో తలదాచుకున్న లలిత్ మోడీకి బ్రిటన్ నుంచి ప్రయాణ పత్రాలు (ట్రావెల్ డాక్యుమెంట్స్- టీడీ) పొందేందుకు విదేశాంగ మంత్రి సుష్మా స్వరాజ్ సహకరించారని ఆరోపణల నేపథ్యంలో అమెపై విపక్షాలు ముప్పేట దాడికి దిగాయి. అమె తక్షణం తన పదవికి రాజీనామా చేయాలని ఇటు కాంగ్రెస్ పార్టీ, జేడీయు, లెఫ్ట్ పార్టీలు డిమాండ్ చేశాయి. నిధులు తరలింపు విషయంలో అభియోగాలతో పాటు రెడ్ కార్నర్ నోటీసులు ఎదుర్కోంటున్న లలిత్ మోడీ పట్ల మానవత్వ దృక్పదాన్ని చూపాల్సిన అవసరమేంటని విపక్షాలు ప్రశ్నించాయి.

భారత్ మోస్టు వాంటెడ్ క్రిమినల్ దావూద్ ఇబ్రహీం కూడా అర్థిస్తే.. ఆయన విషయంలోనూ మానవత్వ దృక్పతంతో వ్యవహరిస్తారా..? అంటూ కాంగ్రెస్ కేంద్రమంత్రిని నిలదీసింది. సుష్మాస్వరాజ్ తక్షణం తన పదవికి రాజీనామా చేయాలని డిమాండ్ చేసని కాంగ్రెస్.. మంత్రి నివాసం ఎదుట ధర్నాకు దిగింది. లలిత్ మోడీ వ్యవహరాంలో పలువురుబిజేపి పెద్దలందరూ దోషులని, అయనకు పలువరు బీజేపీ నేతలతో సంబంధాలున్నాయని అక్షేపించింది. సుష్మా స్వరాజ్ భర్త మోడీకి గత 20 ఏళ్లుగా న్యాయవాదిగా వ్యవహరిస్తున్నారని, ఆమె కుమార్తె కూడా ఆయనకు న్యాయవాదిగా గత ఏడేళ్లుగా వ్యవహరిస్తున్నారని, అది చాలదన్నట్లు బిజేపి జాతీయ అధ్యక్షుడు అమిత్ షా సహా పలువురు పెద్దలకు ఆయనతో సత్సంబంధాలున్నాయని కాంగ్రెస్ నేతలు అరోపించారు. ఈ వ్యవహారంలో బిజేపీ నేతలు సహా మోడీ తన ప్రభుత్వ సచ్చీలతను నిరూపించుకోవాలని విపక్షాలు డిమాండ్ చేశారు

జి. మనోహర్