కళ్లముందే బూడిదైన రెండున్నర కోట్లు

Posted: 08/24/2015 04:45 PM IST

దక్షిణ ఢిల్లీలో ఓ ఘోర ప్రమాదం చోటు చేసుకుంది. ఎంతో వేగంగా దూసుకుపోయే లాంబోర్గిని గల్లార్డో కారు వున్నట్లుండి మంటల్లో చిక్కుకుంది. ఆ కారును నడుపుతున్న డ్రైవర్ క్షేమంగానే బయటపడ్డాడు కానీ.. కారు మాత్రం సగానికిపైగా కాలిపోయింది. ఇటలీకి చెందిన ఆ కారు విలువ ఎంతో తెలుసా..? అక్షరాలా రెండున్నర కోట్లు. గంటకు 350 కిలోమీటర్ల వేగంతో నడిచే ఆ కారు.. వున్నట్లుండి మంటల్లో చిక్కుకుపోవడంతో మొత్తం రెండున్నర కోట్లు బూడిదపాలైనట్లైంది. ఈ ఘటన సోమవారం ఉదయం చోటు చేసుకుంది.

ఇటలీ కంపెనీకి చెందిన లాంబోర్గిని గల్లార్డో అనే కారును దాని యజమాని రూ.2.5 కోట్లు పెట్టి కొనుగోలు చేశాడు. దీనికి 5.2 లీటర్ల ఇంధన పరిమాణంతో ఇంజిన్ ఉంటుంది. ఈ కారు డ్రైవర్ సోమవారం ఉదయం దక్షిణ ఢిల్లీ ప్రాంతంలోని బదర్పూర్ నుంచి వస్తుండగా అనూహ్యంగా అందులో అనుకోకుండా మంటలు వ్యాపించాయి. దీంతో వెంటనే అతడు అందులో నుంచి ఎలాంటి గాయాలవకుండా సురక్షితంగా బయటపడ్డాడు. కారు వెనుక భాగంలో మంటలు రేగడంతో ఆ కారు సగానికిపైగా పూర్తిగా కాలిపోయింది. ఇంతలోనే ఫైరింగ్ సిబ్బంది ఘటనా స్థలానికి చేరుకుని, దాని మంటలు ఆర్పేడానికి ప్రయత్నించినప్పటికీ సగం కారు మాత్రమే మిగిలింది. ఏదైతేనేం.. అతని కళ్లముందే రెండున్నర కోట్లు బూడిదైంది. 2013లో బయటకు వచ్చిన ఈ కార్లు.. ప్రపంచవ్యాప్తంగా భారీ స్థాయిలో అమ్ముడుపోయి రికార్డు సృష్టించాయి.

AS