ITEMVIDEOS: చైనా నట్టనడివీధిలో యువతిపై దుశ్యాసన పర్వం..

Posted: 06/30/2016 07:49 AM IST

చైనాలో దారుణం జరిగింది. నడిరోడ్డేపై దుశ్యాసన పర్వం సాగింది. అనేక మంది ఈ పర్వాన్ని చూస్తూ వుండిపోయారు కానీ ఓ మహిళకు జరుగుతున్న అన్యాయాన్ని అపలేకపోయారు. అయితే ఏ మగమృగాళ్ల చేతిలోనో ఘోరం జరగలేదు. మహిళల చేతిలోనే మరో మహిళ తన పరువును పోగోట్టుకోవాల్సి వచ్చింది. అంతేకాదు దుశ్యాసన మహిళలు భాధిత మహిళను విచక్షణ రహితంగా కొట్టారు. బట్టలు చింపుతూ ఇష్టమొచ్చినట్టు కొడుతూ ఆ దృశ్యాలను తమ ఫోన్లలో రికార్డు కూడా చేశారు.

 

దీనికి సంబంధిచిన వీడియో ఇప్పుడు సోషల్ మీడియాలో చక్కర్లు కొట్టడంతో ఆ మహిళల తీరుపై నెటిజన్లు మండిపడుతున్నారు. తమ స్నేహితురాలి భర్తతో ఆ యువతి చనువుగా ఉంటున్నట్టు దాడికి దిగిన మహిళా గ్రూప్ ఆరోపించింది. నడి రోడ్డు అని కూడా చూడకుండా అందరూ చూస్తుండగానే ఆ యువతిని కొడుతూ, బట్టలు చింపుతూ, జుట్టుపట్టుకొని ఈడ్చుకుంటూ అసభ్యంగా ప్రవర్తించారు. ఈ సంఘటన తూర్పు చైనాలోని అన్హుయ్ ప్రావీన్స్లో బొజ్హో ప్రాంతంలో చోటుచేసుకుంది.  

అక్కడున్న వారిలో ఓ మహిళ వచ్చి కల్పించుకొని యువతిని రక్షించడానికి ప్రయత్నించగా వారు అమెతో కూడా వాగ్వాదానికి దిగారు. మిగాతా వాళ్లు మాత్రం చూస్తూ ఉండిపోయారు. కొందరైతే ఈ తతంగాన్ని ఫోన్లతో రికార్డు చేస్తూ తమకు పట్టనట్టుగా వ్యవహరించారు. ఆ వీడియో చూసిన వారు ఆ మహిళా గ్రూప్ తీరుపై తీవ్రస్థాయిలో ధ్వజమెత్తుతున్నారు. ముందు మీ భర్తను అదుపులో పెట్టుకొండి, కొడితే తప్పు చేసిన మీ భర్తను కొట్టండి. అంతే కానీ, ఓ యువతిని అలా కొట్టడమేంటి అని... నెటిజన్లు ఆగ్రహం వ్యక్తం చేస్తున్నారు.
 
మనోహర్