ITEMVIDEOS:రైల్వే గేట్ వద్ద షాకింగ్ వీడియో

Posted: 03/01/2017 08:23 AM IST

పశ్చిమ బెంగాల్ లోని జలపైగురి జిల్లా వాసులకు ఓ విచిత్రమైన ఘటన కంటి మీద కునుకు లేకుండా చేస్తోంది. అందుకు కారణం ఓ ఏనుగు చేసిన ఫీట్. రైలు వస్తోందని సిబ్బంది రైల్వే గేటు వేశారు. అంతలో ఓ ఏనుగు నెమ్మదిగా అటు నడుచుకుంటూ వచ్చింది. అడవిలో తెగ బోర్ కొడుతుండటంతో అలా షికారుకు వెళ్తామనుకుంది. తనకు అడ్డుగా ఉందని భావించింది ఏమో సదరు గజరాజు గారు ఆ రైల్వే గేటును తన తొండంతో ఎత్తి పట్టాలు దాటి వెళ్లిపోయింది. ఛప్రమరి వన్యప్రాణుల అభయారణ్యం సమీపంలోని రైల్వే క్రాసింగ్ గేట్ వద్ద ఈ ఘటన చోటుచేసుకుంది.

అభయారణ్యం నుంచి తప్పించుకున్న ఒక ఏనుగు బయటికి వెళ్లేందుకు నానా ప్రయత్నం చేసింది. అయితే చుట్టుపక్కల అంతా ఫెన్సింగ్ ఉండటంతో ఎలాగా అనుకుంటూ అక్కడే ఉన్న రైల్వే ట్రాక్ దగ్గరికి చేరింది. ఎలా దాటాలో తెలీక వెంటనే ఆ గేట్ ను అమాంతం ఎత్తేసి దాటేయాలని యత్నించింది. అయితే అవతలి గేట్ వద్ద సేమ్ ఫీట్ రిపీట్ చేద్దామనుకున్నప్పటికీ వీలు కాకపోవటంతో దానిని తొక్కేసి తాపీగా వెళ్లిపోయింది.

 

వీడియో చోద్యంగా చూసిన చుట్టుపక్కల ప్రజలు తేరుకుని ఇప్పుడు భీతిల్లి పోతున్నారు. ఏ క్షణాన తమ ఊరిపై పడుతుందోనని ఆందోళన చెందుతున్నారు. అయితే ఏనుగుకి ఏ ప్ర‌మాదం జ‌ర‌గ‌క‌పోవ‌డంతో అంతా ఊపిరి పీల్చుకున్నామని, ఏనుగులు తరచూ ఇలా రైల్వే పట్టాలు దాటుతూ ప్రమాదానికి గురవుతుంటాయని, అలా జరిగినప్పుడల్లా తమనే నిందిస్తారని ఓ అధికారి తెలిపాడు. ప్రస్తుతం ఆ మేధావి గజరాజు కోసం గాలింపు చర్యలు కొనసాగుతున్నాయి.