బంగారు తాకట్టు రుణాలపై కూడా అంక్షలు అమలు..

Posted: 03/10/2017 08:47 AM IST

నగదు రహిత లావాదేవీలే ఇకపై జరగాలంటూ కేంద్రం తీసుకువస్తున్న తాజా నిబంధనలు ప్రజల్లో తీవ్ర అసంతృప్తిని వెల్లగక్కేలా చేస్తున్నాయి. నగదు రహిత లావాదేవీలను ప్రోత్సహించేందుకు పలు విధాల రాయితీలు ప్రకటించేందుకు బదులుగా ఏకంగా నిర్భంధంగా  నగదు రహిత లావాదేవీల వైపు ప్రజలు తప్పనిసరి పరిస్థితుల్లో వెళ్లేలా చేస్తుంది. ఈ నేపథ్యంలో బంగారం తాకట్టుపై రుణాల పోందటంపై కూడా నిబంధనలను మార్చింది.

 బ్యాంకింగేతర సంస్థలు బంగారంపై ఇచ్చే రుణాన్ని నగదు రూపంలో 20వేలకు మించి ఇవ్వకూడదని రూల్స్ పాస్ చేసింది. ఇప్పటివరకు బంగారంపై ఇచ్చే రుణాన్ని లక్ష రూపాయల వరకు నగదు రూపంలో.. మిగతా మొత్తాన్ని చెక్కుల రూపంలో ఇస్తూ వస్తున్నాయి. డిజిటల్ చెల్లింపులను ఎంకరేజ్ చేయాలనే ఉద్దేశంతో.. బంగారం తాకట్టు రుణాన్ని 20వేలకు మించి నగదు రూపంలో ఇవ్వొద్దని తాజాగా ఆదేశాలిచ్చింది ఆర్బీఐ.