https://teluguwishesh.com./
ధర్మశాలలో టీమిండియా జయకేతనం.. ఎగిరిన త్రివర్ణ పతాకం india Win by 8 wickets, reclaim border-gavaskar trophy
ధర్మశాల టెస్టులో టీమిండియా విజయం సాధించింది. టెస్టు సీరీస్ లలో అప్రతిహాత విజయాలతో దూసుకెళ్తున్న టీమిండియా.. ప్రపంచ దిగ్గజాలమని భావించే అసీస్ ను కూడా చిత్తు చేసి మరో సిరీస్ ను తమ ఖాతాలోకి వేసుకుని వరుసగా ఏడు విజయాలను అందుకుంది. ధర్మశాలలో టెస్టు నేపథ్యంలో ఆ పిచ్ స్పిన్నర్లకు అనుకూలం కాదు.. పేస్ కే అనుకూలమన్న కథనాల నేపథ్యంలో అప్పడే తాము గెలిచినట్లు భావించిన అసీస్ ముందు మురిసనమ్మ పండగ గుర్తెరుగదు అన్న నానుడిని నిజం చేసింది.
ధర్మశాల టెస్టు నేపథ్యంలో అసీస్ వెటరన్ బౌలర్లు, దిగ్గజాల సలహాలు, సూచనలు పరిగణలోకి తీసుకన్న జట్టు.. రంగంలోకి దిగిన తరువాత మాత్రం బొక్కబోర్లాపడింది. మొదటి ఇన్నింగ్స్ ను ఒక్కరోజులోనే ముగించిన అసీస్.. 300 పరుగుల స్కోరును సాధించింది. దీనికి ధీటుగా బ్యాటింగ్ చేసిన టీమిండియా.. 332 పరుగులతో అసీస్ పై 32 పరుగుల అధిపత్యం సంపాదించింది. ఇక మూడో రెజున అసీస్ రెండో ఇన్నింగ్స్ ను ప్రారంభించి.. వరుసగా వికెట్లను కోల్పోయింది. మూడో టెస్టులో శతకంతో రాణించిన మాక్స్ వెల్ నాలుగో టెస్టు రెండో ఇన్నింగ్స్ లోనూ కాస్త పర్వాలేదనిపించాడు. అతను మినహా ఎవరు అకట్టుకోలేకపోయారు.
దీంతో అసీస్ అటగాళ్లంతా కేవలం 137 పరుగులకే పెవీలియన్ చేరిపోగా, భారత్ ముందు 105 పరుగుల విజయలక్ష్యాన్ని నిర్ధేశించారు. మంగళవారం 19 పరుగుల ఓవర్ నైట్ స్కోర్ తో మ్యాచ్ ను ప్రారంభించిన టీమిండియా.. 14వ ఓవర్లో 46 పరుగుల దగ్గర విజయ్(8) వికెట్ ను కోల్పోయింది. ఆ తర్వాత వచ్చిన పుజారా స్కోర్ ఓపెన్ చేయకుండానే రన్ అవుట్ గా వెనుదిరిగాడు. అనవసర పరుగుకోసం వెంపర్లాడి కీలకమైన వికెట్ ను జారవిడుదుచుకున్నారు. రాహుల్, పూజారా మధ్య సంయమనం లేకపోవడంతో ఈ వికెట్ ను టీమిండియా కోల్పోయింది. దీంతో బాల్ అందుకున్న మాక్స్ వెల్ బంతిని నేరుగా వికెట్లు విసరడంతో పుజారా డకౌట్ అయ్యాడు.
ఆ తరువాత క్రీజులోకి వచ్చిన స్టాండింగ్ కెప్టెన్ అజింక్య రహానే తన సత్తాను చాటాడు. క్రీజులోకి వచ్చి రావడంతోనే అప్పటికే కుదురుకున్న రాహుల్(52)తో కలసి నాలుగు ఫోర్లు, రెండు సిక్స్ లతో అసీస్ బౌలర్లకు ముచ్చెమటలు పట్టించాడు. ఈ క్రమంలో విజాయానికి కావాల్సిన 87 పరుగులను భారత్ జట్టు కేవలం 18 ఓవర్లలోనే ముగించింది. అసీస్ పై 8 వికెట్ల తేడాతో విజయాన్ని సాధించింది. కాగా రాహుల్ అర్థశతకంతో అదరగొట్టాడు. దీంతో నాలుగు టెస్టుల సిరీస్ ను కైవసం చేసుకున్న టీమిండియా.. బోర్డర్ – గవాస్కర్ ట్రోపీ భారత్ సొంతమైంది.
స్కోర్ బోర్డు:
ఆసీస్ – 300 & 137
భారత్ – 330 & 107/2
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
