ఏపీలో కరోనా ఉదృతి.. ఒక్క రోజులో 837 కేసులు.. 8 మరణాలు

Posted: 07/03/2020 04:46 PM IST

Coronavirus in ap 837 new covid 19 cases state tally nears 17 thousand mark

ఆంధ్రప్రదేశ్ లో కరోనా వైరస్ విజృంభన కొనసాగుతోంది. మే నెల చివరి వారం నుంచి వేగాన్ని పుంజుకున్న కరోనా మహమ్మారి రాష్ట్రంలో రోజుకు వందలాదిమందిని తన ప్రభావానికి గురిచేస్తోంది, ఫలితంగా రాష్ట్రంలో కరోనా కేసులు పదిహేడు వేల మార్కుకు చేరువలో ఉన్నాయి. ఇక పక్షం రోజులుగా రాష్ట్రంలో కరోనా కేసులు వేగంగా వ్యాప్తి చెందుతుండటం అందోళన రేకెత్తిస్తోంది. దాదాపుగా పక్షం రోజులుగా ఏడు వందల మార్కుకు పైగానే సాజిటివ్ కేసులు నమోదు అవుతున్నాయి. రాష్ట్రంలో కరోనా కేసులు నిర్థారణతో ఏకంగా పదిహేడు వేల మార్కుకు చేరువలో చేరడం అందోళనకరం, ప్రభుత్వం కంటైన్మెంట్ జోన్లను ఏర్పాటు చేసి కఠినచర్యలు తీసుకుంటున్నా వైరస్ ఏమాత్రం తగ్గుముఖం పట్టడం లేదు. ఇటీవల రోజూ ఐదు వందలకు పైబడి నమోదువుతున్న కేసులు.. గడిచిన 24 గంటల వ్యవధిలో ఎనమిది వందలకు పైగా కేసులు నమోదు కావడం ఆందోళన వ్యక్తం అయ్యింది.

తాజాగా నమోదైన పాజిటివ్ కేసులతో రాష్ట్రంలో మొత్తం కరోనా కేసుల సంఖ్య ఏకంగా పదిహేడు వేల మార్కును అధిగమించింది. ఈ మేరకు భారత వైద్యఆరోగ్య శాఖ తాజా బులిటెన్లో వివరాలను పేర్కోంది. తాజాగా 837 మందికి కరోనా పాజిటివ్ గా నిర్ధారణ అయ్యింది. దీంతో రాష్ట్రంలో కరోనా కేసులు పద్దెనిమిది వేల మార్కుకు చేరువలో వుంది. రాష్ట్రంలో మొత్తంగా 16,934 కరోనా కేసులు నమోదయ్యాయి. అయితే ఇందులో విదేశాల నుంచి వచ్చినవారితో పాటు పోరుగు రాష్ట్రాలకు చెందిన వలస కార్మికులు కూడా వున్నారు. విదేశాల నుంచి వచ్చిన ఇద్దరు, ఇతర రాష్ట్రాలకు నుంచి వచ్చినవారు 46 మందికి కరోనా పాజిటివ్ గా నిర్థారణ అయ్యింది. మొత్తంగా 48గా నమోదయ్యాయి. రాష్ట్రంలో మాత్రం 789 కేసులు నమోదైనట్టు గణంకాలు స్పష్టం చేస్తున్నాయి.

రాష్ట్రంలో ఇవాళ నమోదైన కరోనా కేసుల్లో అత్యధికంగా ఆనంతపురంలో 149, గుంటూరు జిల్లాలో 80, కర్నూలు 116. ప్రకాశం జిల్లాలో 139 పాజిటివ్ కేసులు నిర్థారణ అయ్యాయి, ఇక మిగతా జిల్లాలో నమోదైన కేసులు జిల్లాల వారీగా చిత్తూరులో 47, తూర్పు గోదావరిలో 56, కడపలో 19, కృష్ణలో 17, నెల్లూరులో 15, విశాఖపట్నంలో 54, విజయనగరంలో 10 కేసులు నమోదయ్యాయి, గత రెండు రోజులుగా ఎలాంటి కేసులు నమోదు కానీ శ్రీకాకుళం జిల్లాలో ఇవాళ ఏకంగా 30 కేసులు నమోదు కావడం అందోళనకరంగా వుంది. ఇక అదే బాటలో పశ్చిమ గోదావరి కూడా ఏకంగా 57 కేసులు నమోదయ్యాయి, దీంతో జిల్లా వైద్యశాఖ అధికారులు కరోనా కేసులు నమోదైన ప్రాంతాల్లో కంటైన్ మెంట్ జోన్లు ఏర్పాటు చేసి.. వైరస్ వ్యాప్తి చెందకుండా పటిష్ట చర్యలు తీసుకునన్నారు. ఇక పురపాలక సంఘాలు, గ్రామపంచాయితీల ఆధ్వర్యంలో కంటైన్ మెంట్ జోన్లలో రసాయనాలు చల్లారు. ఆయా ప్రాంతాలను సానిటైజ్ చేశారు.

కాగా, రాష్ట్రంలో గడిచిన 24 గంటల వ్యవధిలో కరోనా బారినపడి పదిమంది అసువులు బాసారు. కొవిడ్‌ కారణంగా గడచిన 24 గంటల్లో ఏనమిది మంది మృతిచెందారు. చిత్తూరు జిల్లాలో ఇద్దరు, కర్నూలు జిల్లాలో నలుగురు, కృష్ణా, తూర్పు గోదావారి, జిల్లాలో ఒక్కక్కరు చోప్పున మొత్తంగా ఎనమిది మంది మృతి చెందారు. రాష్ట్రంలో ఇప్పటి వరకు కొవిడ్ కారణంగా మృతి చెందిన వారి సంఖ్య 206కి చేరింది. కాగా గడిచిన 24 గంటల్లో కరోనాబారిన పడి కోలుకున్న పేషంట్లను వైద్యాధికారులు ఇవాళ డిశ్చార్జ్ చేశారు. దీంతో కోరాన వైరస్ బారిన పడి చికిత్స పోందుతూ అసుపత్రుల నుంచి డిశ్చార్జ్ అయిన వారి సంఖ్య 7632కు చేరడం రాష్ట్రప్రజలకు, వైద్య సిబ్బందికి కొంత ఊరటనిస్తోంది. రాష్ట్రంలో ప్రస్తుత్తం యాక్టివ్ గా వున్న కరోనా కేసులు 9096కు చేరాయి. ఇక కరోనా బారిన పడి.. విదేశాల నుంచి వచ్చి.. చికిత్స పోందుతున్న వారి సంఖ్య 409గా నమోదు కాగా, ఇతర రాష్ట్రాల నుంచి వచ్చిన వలస కార్మికుల సంఖ్య కూడా ఏకంగా 2111కు చేసింది.