https://mail.teluguwishesh.com/
CCTV footage of Dhanbad judge’s Murder emerges జీపుతో ఢీకొట్టించి జడ్జి హత్య.. సిసీటీవీలో దాగిన నిజం..
జార్ఖండ్ లో సత్యం సమాధి చేయడానికి దుండగులు యత్నించారు. అయితే సిసిటీవీ ఫూటేజీ రూపంలో నిక్షిప్తమైన నిజం.. న్యాయమూర్తి ప్రమాదం బారిన పడలేదని, అది నూటికి నూరుశాతం హత్యేనని తేల్చింది. ఉదయాన్ని జాగింగ్ కు వెళ్లిన ఓ డిస్ట్రిక్ట్ అండ్ అడిషనల్ జడ్జి హత్యకు గురయ్యారు. బుధవారం ఉదయం ఈ ఘటన జరగగా మొదట దీనినో ప్రమాదంగానే అందరూ భావించారు. హిట్ అండ్ రన్ కేసు నమోదు చేశారు. అయితే తాజాగా బయటపడిన సీసీటీవీ ఫుటేజీ ఇది హత్యేనని తేల్చింది.
జార్ఖండ్ లోని ధన్బాద్ జిల్లా జడ్జిగా ఉన్న ఉత్తమ్ ఆనంద్ బుధవారం ఉదయం 5 గంటల సమయంలో తన ఇంటి నుండి జాగింగ్ చేసుకుంటూ బయలుదేరారు. అయితే అదే సమయంలో ఆయనను ఫాలో అవుతూ వెనక నుంచి వేగంగా వచ్చిన టెంపో ఆయనను కావాలనే ఢీకొట్టి వెళ్లిపోయింది. టెంపో డ్రైవర్ కావాలనే జడ్జి వైపు వెళ్లి ఢీకొట్టినట్లు సీసీటీవీ కెమెరాల్లో రికార్డయింది. దీంతో జడ్జిది హత్య అన్న విషయం వెలుగులోకి వచ్చింది. అంతకుముందు ఇది హిట్ అండ్ రన్ కేసుగా పరిగణించి కేసు నమోదు చేసిన పోలీసులు తరువాత మార్చారు.
ఈ హత్యను సీరియస్ గా తీసుకున్న చీఫ్ జస్టిస్ ఆఫ్ ఇండియా ఎన్వీ రమణ.. జార్ఖండ్ హైకోర్టు జడ్జితో మాట్లాడారు. అంతేకాదు ఈ హత్య చేయడానికి కొన్ని గంటల ముందే ఆ వాహనాన్ని దొంగిలించినట్లు పోలీసుల విచారణలో తేలింది. ఇప్పటికే ఆ డ్రైవర్ ను పోలీసులు అరెస్ట్ చేశారు. జిల్లా జడ్జి ఉత్తమ్ ఆనంద్ ఇంటి నుంచి బయలుదేరి అరకిలోమీటరు దూరం చేరుకునే లోపే ఆయనను వాహనం ఢీకొట్టింది. చాలాసేపటి వరకూ రక్తం మడుగులో ఆయన అలా రోడ్డుమీదే పడి ఉన్నారు. తర్వాత ఓ వ్యక్తి గమనించి హాస్పిటల్ కు తీసుకెళ్లగా.. అక్కడ ఆయన మరణించారు.
పోలీసులు గతంలో జడ్జి ఉత్తమ్ ఆనంద్ విచారణ జరిపిన కేసులపై దృష్టి సారించారు. ఆయన ధన్ బాద్లో ఎన్నో మాఫియా హత్యల కేసులను చూస్తున్నారు. ఈ మధ్యే ఇద్దరు గ్యాంగ్ స్టర్లకు బెయిల్ కూడా నిరాకరించారు. ఈ కేసును హైకోర్టు చీఫ్ జస్టిస్ విచారించనున్నారు. అయితే జడ్జి జాగింగ్ కు వెళ్తారన్న సమాచారం అందుకున్న అగంతకులు ఆయన ఇంటికి చేరువలోనే మాటు వేసి.. ఈ దారుణానికి పాల్పడివుంటారన్న సందేహాలు వ్యక్తం అవుతున్నాయి. జడ్జిని హత్యకు కుట్రపన్నిన అగంతకులు ముందుగానే రెక్కి నిర్వహించి వుంటారా అన్న కోణంలోనూ పోలీసులు కేసు దర్యాప్తు చేస్తున్నారు.
धनबाद के ज़िला सत्र जज उत्तम आनंद का बुधवार सुबह मोर्निंग वॉक में एक ऑटो के ठक्कर में मौत का मामला गहराता जा रहा हैं @ndtvindia @Anurag_Dwary pic.twitter.com/oV3m3Ca6x0
— manish (@manishndtv) July 28, 2021
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
