Babu Held For Trying To Block Highway Traffic

Posted: 09/05/2012 11:13 AM IST

Naidu held for trying to block highway traffic

ప్రజలకు అవసరమైనంత కరెంటు ఇవ్వడం మీకు చేతకాదు. విద్యుత్ శాఖను మాకిస్తే 15 రోజుల్లో మెరుగైన సరఫరా చేసి చూపిస్తాం'' అని సీఎంకి టీడీపీ నేతలు సవాల్ విసిరారు. అసెంబ్లీని సమావేశపరచి విద్యుత్ సరఫరాపై నిర్దిష్ట విధానం ప్రకటించాలని కోరారు. లేదంటే సీఎం పదవి నుంచి కిరణ్ తప్పుకోవాలని సూచించారు. కరెంటు కోతలకు వ్యతిరేకంగా తిరుపతి సదరన్ డిస్కం కార్యాలయం వద్ద టీడీపీ మహాధర్నా నిర్వహించింది. ఆ పార్టీకి చెందిన 34 మంది ఎమ్మెల్యేలు, ఐదుగురు ఎమ్మెల్సీలు, ఎంపీలు, నేతలు పాల్గొన్నారు.ధర్నాలో శ్రీకాళహస్తి ఎమ్మెల్యే బొజ్జల గోపాలకృష్ణారెడ్డి మాట్లాడుతూ ఉచిత విద్యుత్ పేరిట రాష్ట్రాన్ని అంధకారంలోకి నెట్టిన ఘనత కాంగ్రెస్‌కే దక్కిందన్నారు. టీడీఎల్పీ ఉపనేత గాలి ముద్దుకృష్ణమ నాయుడు మాట్లాడుతూ ఆరేళ్లపాటు సీఎంగా ఉన్న వైఎస్ కేవలం వెయ్యి మెగావాట్ల విద్యుత్‌ను మాత్రమే ఉత్పత్తి చేయించగలిగారని విమర్శించారు. సీఎం సొంత జిల్లాలో కూడా కరెంటు సరఫరా అస్తవ్యస్తంగా ఉందని పీఏసీ చైర్మన్ ఆర్ ప్రకాశ్‌రెడ్డి అన్నారు. ఈ సందర్భంగా సదరన్ డిస్కం సీఎండీకి వినతి పత్రం సమర్పించారు. కాగా, విద్యుత్ సరఫరాలో లోపాలు, హెచ్చుతగ్గులు ఉన్నమాట వాస్తవమేనని, ఇందుకు క్షమించాలని సదరన్ డిస్కం సీఎండీ విద్యాసాగర్‌రెడ్డి ప్రజలను కోరారు.