Two Mlas Ready To Jump Into Trs

Posted: 09/05/2012 06:16 PM IST

TRS కొద్ది రోజుల్లో తెలంగాణ రాష్ట్ర సమితిలోకి మరో ఇద్దరు ఎమ్మెల్యేలు చేరనున్నారని ఆ పార్టీ వర్గాల్లో ప్రచారం జరుగుతోంది. ఈ మేరకు ఇద్దరు ఎమ్మెల్యేలకు, టీఆర్‌ఎస్ అధ్యక్షుడు కేసీఆర్‌కు మధ్య చర్చలు కూడా జరిగాయని అంటున్నారు. సెప్టెంబర్ నెలాఖరు తర్వాత ఎమ్మెల్యేల చేరికలుంటాయని టీఆర్‌ఎస్ నాయకుడొకరు చెప్పారు. అయితే ఆ ఎమ్మెల్యేలు ఏ పార్టీకి చెందినవారనే విషయాన్ని పార్టీ రహస్యంగా ఉంచుతోంది. గత అసెంబ్లీ ఎన్నికల్లో కేవలం పది అసెంబ్లీ స్థానాల్లో మాత్రమే టీఆర్‌ఎస్ పార్టీ విజయం సాధించగా ఇప్పుడు శాసనసభలో ఆ పార్టీ బలం 17కు పెరిగింది. టీడీపీ పార్టీ నుంచి ఐదుగురు, కాంగ్రెస్ పార్టీ ఇద్దరు ఎమ్మెల్యేలు తమ పదవులకు రాజీనామా చేసి టీఆర్‌ఎస్‌లో చేరి ఉప ఎన్నికల్లో గెలుపొందారు. వీరుకాక మొదట్లో కాంగ్రెస్ అనుబంధ సభ్యుడుగా కొనసాగిన స్వతంత్ర ఎమ్మెల్యే సోమారపు సత్యనారాయణ టీఆర్‌ఎస్ అనుబంధ సభ్యుడిగా మారారు. తెలంగాణ ఉద్యమ నేపధ్యంలో చాలా మంది కాంగ్రెస్, టీడీపీ ఎమ్మెల్యేలు పార్టీలో చేరతారని ప్రచారం జరిగినప్పటికీ.. ఈ ఏడాదిలో జరిగిన ఉప ఎన్నికల్లో మహబూబ్‌నగరలో టీఆర్‌ఎస్ పార్టీ ఓడిపోవడంతో పాటు పరకాల ఉప ఎన్నికల్లో బొటాబొటీ మెజార్టీతో గెలవడం వంటి అంశాలతో చేరికలపై ఇప్పటి వరకూ భిన్నమైన ప్రచారం జరిగింది.