Posted: 10/06/2012 02:46 PM IST

కొద్ది రోజుల్లో దేవి నవరాత్రులు జరపటానికి పనులు వేగం జరుగుతున్నాయి. దసర పండుగ సందర్భంగా అమ్మావారికి  నవరాత్రులు జరపటం ఆనవాయితీ వస్తున్నా ఆచారం. కానీ ఇంతలోనే  దుర్గమ్మ భక్తులకు ఒక చేదు నిజం తెలిసింది. అమ్మ గుడిలో పెద్ద దొంగలు పడ్డారని . 28 కోట్ల రూపాయలు మాయం అయినట్లు తెలిసింది.  ఈ వార్త విని దుర్మమ్మ భక్తులు షాక్ అయ్యారు.  విజయవాడ కనకదుర్గమ్మ గుళ్లో దొంగలు పడ్డారు. గుట్టుచప్పుడు కాకుండా 28 కోట్ల రూపాయల గోల్ మాల్ జరిగింది. హెచ్ఎంటీవీ ఈ అవినీతిని కొద్ది రోజుల క్రితమే ఎండగట్టింది. ఇది మరోసారి పబ్లిక్ ఎకౌంట్స్ కమిటీ విచారణలో కూడా ఈ చేదు నిజం వెలుగు చూసింది.రాష్ట్రంలో రెండవ అతిపెద్ద రెండవ దేవాలయం విజయవాడ ఇంద్రకీలాద్రిపై వెలసిన దుర్గగుడి. ఈ ఆలయానికి ఏడాదికి 42 నుంచి 44 కోట్ల రూపాయల ఆదాయం వస్తోంది. వీటితో ఆలయంలో వివిధ అభివృద్ధి పనులను చేపడుతున్నారు. అయితే ఆలయంలో ఈవో నుంచి ఇతర శాఖలన్నింటిలోనూ అవినీతి పేరుకుపోయింది. ప్రతీ పనిలోనూ కమిషన్లు మింగేస్తున్నారు. మింగేసిన డబ్బుకే కాదు. పని చేసిన డబ్బుకు కూడా లెక్కలు చెప్పలేని పరిస్థితిలో అధికారులున్నారు. దీనికి ఇక్కడ జరిగిన గోల్ మాలే కారణం.

అలాంటి ఈ దుర్గగుడి లెక్కల వ్యవహారంపై పబ్లిక్ ఎకౌంట్స్ కమిటీ దృష్టి పెట్టింది.ఇందులో భాగంగానే శుక్రవారం ఉదయమే అమ్మవారిని దర్శించుకొని ఆలయంలో లెక్కలు చూశారు. అమ్మవారిని దర్శించుకున్న ఆనందం అక్కడ లెక్కలు చూసే సరికి ఆవిరయిపోయింది. మొత్తం 28 కోట్ల రూపాయలకు లెక్కలు కనిపించలేదు. ఈ మొత్తం మిసిలీనియస్ అండ్ అదర్స్ అనే ఎకౌంట్లో వేశారు. కోట్ల రూపాయలు అనామతు ఖాతాలో ఉండటం అవినీతికి గేట్లు తెరిచినట్లేననేది నిపుణుల అభిప్రాయం. దీంతో అవాక్కయిన పీఏసీ అధికారులపై ఆలయ సిబ్బందిపై మండిపడ్డారు. ఈవోతో సహా పలువురు ఈ తప్పుల లెక్కలకు... అవినీతి పర్వానికి మూలపురుషులుగా భావిస్తున్నారు. దీనిపై విచారణ చేయాలని జిల్లా కలెక్టర్ ను పీఏసీ ఛైర్మన్ ఆర్.ప్రకాష్ రెడ్డి ఆదేశించారు.   పీఏసీ పర్యటనతో దుర్గగుడిపై కలకలం రేగింది. లెక్కలపై అందరి దృష్టి పడింది.  కోట్ల రూపాయలకు అవినీతికి పాల్పడిన అధికార, నాయకగణంపై చర్యలు తీసుకోవాలని పలువురు నేతలు డిమాండ్ చేస్తున్నారు. దుర్గగుడికి కమిటీ లేనందునే అధికారుల ఇష్టారాజ్యం అయిపోయిందని బీజేపీ నేతలు అంటున్నారు. ఈ స్థాయిలో అనామతు ఖాతా ఉంటే అవినీతి కచ్చితంగా ఉంటుందని అభిప్రాయపడుతున్నారు. దీంతో సంబంధం ఉన్న నాయకులను కూడా బయటకు లాగాలని డిమాండ్ చేస్తున్నారు. మొత్తానికి దుర్గగుడి లెక్కల వ్యవహారం తీవ్ర కలకలం రేపింది. విచారణ పూర్తయితో చాలా మంది అధికారుల గుట్టు రట్టయ్యే అవకాశం ఉంది.