Posted: 10/27/2012 04:48 PM IST

భారతీయ జనతా పార్టీ (బిజెపి) అధ్యక్షుడు నితిన్‌ గడ్కరి ఆధ్వర్యంలోని సంస్థకు నిధుల సరఫరాపై వివాదం తలెత్తిన నేపథ్యంలో ఆయనకు దూరంగా జరగా లని రాష్ట్రీయ స్వయంసేవక్‌ సంఘ్‌ (ఆర్‌ఎస్‌ఎస్‌) నిశ్చయించుకోవడంతో పార్టీ అధ్యక్షుడుగా ఆయన కొనసాగడం గురించి పార్టీలో సణుగుళ్ల స్థాయి పెరిగింది. గడ్కరి సంస్థ వ్యవహారాలపై నానాటికీ విమర్శలు ఎక్కువ వుతుండడంతో అన్ని వివాదా లపైన, ఆ నేపథ్యంలో ఆయన పదవిలో కొనసాగడంపైన చర్చించే నిమిత్తం బిజెపి అగ్ర నేతలు రాత్రి ఆయన నివాసంలో సమావేశమయ్యారు. లోక్‌సభలోని ప్రతిపక్ష నాయ కురాలు సుష్మా స్వరాజ్‌, రాజ్యసభలోని ప్రతిపక్ష నాయకుడు అరుణ్‌ జైట్లీ, పార్టీ ప్రధాన కార్యదర్శులు ఈ సమావేశానికి హాజరయ్యారు. తన ఆధ్వర్యంలోని పూర్తి గ్రూప్‌నకు అక్రమంగా నిధులు సమకూరుతున్నాయన్న ఆరోపణతో తలెత్తిన వివా దంపై తన వాదనను గడ్కరి ఈ సమావేశంలో వినిపించారు. పోరాడకుండా తప్పుకోరాదని గడ్కరి నిశ్చయిం చుకున్నట్లు, తాను అమాయకుడినని పార్టీ నేతలను నమ్మించేందుకు ఆయన ప్రయత్నిస్తున్నట్లు పార్టీ వర్గాలు తెలియజేశాయి. అయితే, దర్యాప్తును ఎదుర్కొనడానికి తాను సిద్ధమేనని గడ్కరి ప్రకటించినప్పటికీ సంస్థ వ్యవహారాలపై తలెత్తిన ప్రశ్నలు అనేకం ఉన్నాయని పార్టీలో చాలా మంది భావిస్తున్నారు. ఇక్కడ సమస్య కేవలం వ్యాపారం, కంపెనీ చట్టాల ఉల్లంఘన గురించి కాదని, అనుమానాస్పద చరిత్ర ఉన్న అనుబంధ సంస్థలు ఆయన కంపెనీలో మదుపరులన్న ఆరోపణ ఔచిత్యం, నైతికత ప్రశ్నలను లేవనెత్తుతు న్నాయన్న అభిప్రాయానికి తావిస్తున్నదని బిజెపి నాయకులు అంటున్నారు.