Posted: 11/29/2012 05:13 PM IST

ఏ చిత్ర పరిశ్రమలో చూసిన విడాకులు కోరుకుంటున్న  జంటలు ఎక్కువుగా కనిపిస్తున్నారు. బాలీవుడ్ లో పెళ్లైన జంటలు  ఆర్నెల్లేకే విడాకులు కోరుకుంటున్నారు.  మొగుడితో విడాకులు తీసుకోని  వెండి తెరపై సెకండ్ విన్నింగ్స్ మొదలుపెడుతున్నారు. ఇప్పుడు అలాంటి వారిలో  కరిష్మా కపూర్ కూడా చేసిందని బాలీవుడ్ వర్గాలు అంటున్నాయి బాలీవుడ్ చిత్రపరిశ్రమలో ఒకప్పుడు సూపర్‌స్టార్‌గా రాణించిన కరిష్మాకపూర్ వైవాహిక జీవితం ఇప్పుడు ఇబ్బందుల్లో పడి నట్లు ముంబై సమాచారమ్. భర్త సంజయ్ కపూర్‌తో ఆమె తెగతెంపులు చేసుకునేందుకే కరిష్మా సిద్ధమైనట్టు కూడా చెబుతున్నాయి. భర్తకు విడాకులు ఇవ్వడానికి ఆమె న్యాయ నిపుణులతో సీరియస్‌గా సంప్రదింపులు జరుపుతున్నట్టు కూడా తెలుస్తోంది. అయితే, పిల్లల సంరక్షణ బాధ్యతలపై స్పష్టమైన నిర్ణయానికి వచ్చిన తర్వాత కరిష్మా, సంజయ్‌లు విడాకులకు దరఖాస్తు చేయనున్నారట. ఢిల్లీకి చెందిన ఎన్నారై వ్యాపారవేత్త విక్రమ్ చత్వాల్ భార్య పూజా చత్వాల్‌తో సంజయ్ కపూర్ వైవాహికేతర సంబంధం పెట్టుకోవడమే కరిష్మా విడాకులకు సిద్ధపడటానికి కారణంగా చెబుతున్నారు.

ఇటీవల సైఫ్, కరీనాల పెళ్లికి పూజాతో కలిసి హాజరయ్యేందుకు సంజయ్ ప్రయత్నించగా కరిష్మా కుటంబం వ్యతిరేకించారట. దాంతో కరీనా వివాహానికి సంజయ్ గైర్హాజరవ్వడం అందుకు మరింత బలం చేకూరింది.  గత కొద్దికాలంగా కరిష్మా, సంజయ్ విడివిడిగానే ఉంటున్నారని, వీరిద్దరిని కలిపేందుకు పెద్దలు చేసిన ప్రయత్నాలు బెడిసికొట్టాయట. ఇదిలా ఉంటే... కరిష్మాతో తనకు ఎలాంటి విభేదాలు లేవని, విడాకుల వార్తల్లో ఎలాంటి వాస్తవం లేదని సంజయ్ కపూర్ వివరణ ఇచ్చారు. పూజా చత్వాల్‌తో తనకుంది కేవలం స్నేహబంధం మాత్రమే అని ఆయన చెబుతుండటం గమనార్హం.