ఆర్య 'వెడ్స్' నయన్

Posted: 05/10/2013 06:22 PM IST

అందాల తార నయన్ పెళ్లి కూతురు కానుంది.శనివారం ఉదయం తొమ్మిది గంటలకు హీరో ఆర్యతో ఏడడుగులూ వేయనుంది. ఈ వేడుకను విజయ టీవీ ప్రత్యక్ష ప్రసారం చేయనుంది. వాస్తవానికి కొరియోగ్రాఫర్ ప్రభుదేవాతో ప్రేమాయణం బెడిసికొట్టాక నయనతార సినిమాలకు దూరంగా ఉంది. బాపు దర్శకత్వంలో శ్రీరామరాజ్యంలో నటించాక, ఇదే తన చివరి సినిమా అన్నట్లు యూనిట్లు సభ్యులతో తన మనోభావాలు పంచుకుంది. అయితే ఇటీవల తన నిర్ణయం మార్చుకుని టాలీవుడ్ లో మళ్లీ రీ ఎంట్రీ ఇచ్చింది.

'గ్రీకు వీరుడు'తోజతగట్టింది. ఇదిలా ఉంటే హీరో ఆర్యతో గత కొద్దికాలంగా ప్రేమాయణం నడుపుతోందన్న వార్తలు సినీ వర్గాల్లో హల్ చల్ చేశాయి. వీరిద్దరూ 'నేనే అంబానీ' (డబ్బింగ్ మూవీ) చిత్రంలో కలిసి నటించారు కూడా! అలా మొదలైన వీరి ప్రేమ బంధం ఎట్టకేలకు పెళ్లి పీటలు ఎక్కనుంది.

అయితే వేదిక ఎక్కడో చెప్పకపోవడం విశేషం. ఈ విషయాన్ని నయనతార, ఆర్య లు ప్రకటన ద్వారా తెలియచేయడం విశేషం. గతంలో ప్రభుదేవాను పెళ్లి చేసుకోవాలని నిర్ణయించుకుని, తదుపరి ఆ ప్రయత్నం విరమించుకున్న నయనతార ఇప్పుడు ఆర్య ను వివాహమాడుతున్నారు. వారికి శుభాకాంక్షలు చెబుదాం.