కుంద్రా మెడకు బిగుస్తున్న ఉచ్చు

Posted: 06/06/2013 04:35 PM IST

ఐపీఎల్ స్పాట్ ఫిక్సింగ్ వ్యవహారం అనేక మలుపులు తిరుగుతుంది. ఈ వ్యవహారంలో మెల్లిగా తీగ లాగిన పోలీసులకు డొంక మొత్తం కదులుతుంది. ఇందులో ఇప్పటికే పెద్ద పెద్ద చేపలు ఇరుక్కోగా, తాజాగా ఈ వ్యవహారం రాజస్థాన్ రాయల్స్ జట్టు సహ యాజమాని, ప్రముఖ హీరోయిన్ భర్త అయిన రాజ్ కుంద్రా మెడకు చిక్కుకుంది. బెట్టింగ్ వ్యవహారంలో కుంద్రా పై అనుమానం వచ్చిన పోలీసులు అతన్ని పిలిచి  దాదాపు పన్నెండు గంటల పాటు ప్రశ్నించిన విషయం తెలిసిందే. తాజాగా నేడు విచారిస్తున్న ముంబై పోలీసుల ముందు కుంద్రా అసలు విషయాన్ని  ఒప్పుకున్నట్లు పోలీసులు తెలిపారు. ఈ విషయాన్ని ఢిల్లీ పోలీస్ కమిషనర్ నీరజ్ కుమార్ ధ్రువీకరించారు. తన సొంత రాజస్థాన్‌ రాయల్స్‌ పైనే బెట్టింగ్‌లు నిర్వహించినట్లు పోలీసులు విచారణలో చెప్పారు. దీంతో కుంద్రా పాస్‌పోర్టును స్వాధీనం చేసుకున్నారు. తన వ్యాపార భాగస్వామి ఉమేష్ గోయెంకా ద్వారా బెట్టింగు చేసిన కుంద్రా పెద్ద ఎత్తున నష్టపోయినట్లు పోలీసులు చెప్పారు. రాజ్ కుంద్రాను కూడా మరోసారి ప్రశ్నించే అవకాశమున్నట్లుగా తెలుస్తోంది. రాజ్ కుంద్రా కోర్టు ద్వారా అరెస్టు అయ్యే చేసే అవకాశాలున్నాయని ఆంగ్ల టివి ఛానల్స్‌లో వస్తున్నాయి. తన బిజినెస్ పాట్నర్ అయిన ఉమేష్ గోయంకాను కూడా పోలీసులు ప్రశ్నించనున్నారు. గోయెంకాతో కుంద్రా భారీ ఎత్తును స్టీల్ బిజినెస్ వ్యాపారం నిర్వహిస్తున్నాడు. మొత్తానికి తన భర్తే తన సొంత జట్టు పై బెట్టింగులకు పాల్పడటాన్ని శిల్పా శెట్టి జీర్ణించుకోలేక పోతుంది.