రాయలసీమలో నిప్పు రగిలించిన యాక్టర్ నరేష్

Posted: 07/06/2013 05:23 PM IST

మొన్నటి వరకు కమలంలో ఉంటి.. రీసెంటుగా .. వైఎస్ఆర్ కాంగ్రెస్ పార్టీలోని సినీ యాక్టర్ నరేష్ రాయల సీమలో సరికొత్త నిప్పు రగిలించారు. రాయల తెలంగాణ పై యాక్టర్ నరేష్ మండిపడ్డారు. నరేష్ రాకతో బైరెడ్డికి సరికొత్త బలం వచ్చినట్లు గా ఉంది. బైరెడ్డి రాజశేఖర రెడ్డి 52 గంటల దీక్షకు రాజకీయ నాయకుల, కులసంఘాల నాయకులు, రాయలసీమ నుండి భారీ ఎత్తున్న మద్దతు లభిస్తుంది. బైరెడ్డి దీక్షాస్థలికి వచ్చిన యాక్టర్ నరేష్ తన సినిమా స్టైల్ ఏమిటో చూపించారు. ఇటు రెండు, అటు రెండు పంచడానికి రాయలసీమ కోళ్ల గుంపు కాదని సినీ నటుడు నరేష్ అన్నారు. రాయల తెలంగాణ ప్రతిపాదనపై ఆయన విరుచుకుపడ్డారు. రాయలసీమ హక్కుల కోసం బైరెడ్డి రాజశేఖర రెడ్డి చేపట్టిన దీక్షకు ఆయన సంఘీభావం ప్రకటించారు.

రాయలసీమ నాలుగు కోళ్ల గుంపు కాదని పంచివ్వడానికి ఆయన అన్నారు. తెలంగాణ కోసం కాంగ్రెసు ప్రకటించే రోడ్ మ్యాప్ ఎందుకు పనికి రాదని ఆయన అన్నారు. రాజకీయ ప్రయోజనాల కోసం మూడు ప్రాంతాలతో కాంగ్రెసు పార్టీ ఆడుకుంటోందని ఆయన అన్నారు. గత 50 ఏళ్లుగా కాంగ్రెసు పార్టీ రాజకీయ ప్రయోజనాల కోసం ప్రజలను మోసం చేస్తోందని ఆయన అన్నారు. రాయలసీమ ప్రజల ఆత్మగౌరవంతో కాంగ్రెసు చెలగాటమాడుతోందని ఆయన విమర్శించారు. నరేష్ మాట్లాడిన తీరుతో రాయల సీమ నాయకుల మదిలో కొత్త నిప్పు రగిలించారు. బైరెడ్డికి మద్దతుగా ఉండాలని , రాయల సీమ హక్కులను కాపాడుకోవాలనే ఉద్దేశంతో, ఉద్యమం చెయ్యటానికి రాయలసీమ నాయకులు సిద్దమవుతున్నారు. బైరెడ్డి ఇన్ని రోజుల నుండి పోరాటం చేస్తున్న పట్టించుకోని రాయలసీమ నాయకులు, యాక్టర్ నరేష్ అన్న మాటలకు .. వారి మనస్సుల్లో సరికొత్త మంటలు రగలటంతో బైరెడ్డికి సపోర్టుగా మేమంత ఉన్నామని దీక్ష స్థలం వద్ద రాయల సీమ నాయకులు అంటున్నారు.