బావ కోసం బాలయ్య బస్సెక్కుతున్నాడు

Posted: 07/16/2013 06:57 PM IST

నందమూరి నట సింహం బాలయ్య ఇటు సినిమాల్లోనూ, అటు రాజీకీయాల్లోనూ బిజీగా ఉన్న విషయం తెలిసిందే. ఎంత సినిమాల్లో బిజీగా ఉన్నా, 2014 ఎన్నికల్లో టీడీపీ పార్టీని ఎలాగైనా అధికారంలోకి తీసుకురావడానికి బాలయ్య తన వంతు ప్రయత్నం చేస్తున్నాడు. ప్రస్తుతం బోయపాటి శీను దర్శకత్వంలో ‘జయసింహా ’ అనే సినిమా షూటింగులో బిజీగా ఉన్నాడు. ప్రస్తుతం ఈ సినిమా షూటింగు హైదరాబాద్ లోని రామోజీ ఫిలిం సిటీలో జరుగుతుంది. ఈ సినిమా షూటింగులో బాలయ్య విలేఖరులతో మాట్లాడుతూ... ప్రస్తుతం తాను సినిమా షెడ్యూల్లో బిజీగా ఉన్నానని, ఈ షెడ్యూలు అయిపోగానే త్వరలో తాను బస్సు యాత్ర చేపట్టి రాష్ట్రమంతా పర్యటిస్తానని వెల్లడించాడు. తన బస్సుయాత్ర ద్వారా టీడీపీ శ్రేణుల్ని ఉత్తేజపరచడమే కాకుండా, ప్రజల్లో చైతన్యం తీసుకురావాలనే ఉద్ధేశ్యంతో ఈ యాత్ర చేపట్టడానికి సిద్ధం అవుతున్నట్లు తెలుస్తుంది. మొన్నటి వరకు టీడీపీ అధినేత చంద్రబాబు నాయుడు రాష్ట్రమంతా పాదయాత్ర చేసిన విషయం తెలిసిందే. తన బావ అలసి పోయి విశ్రాంతి తీసుకుంటుంటే బాలయ్య బాబు, తన బావ చంద్రబాబు ప్రజల్లో నింపిన  జోష్ తగ్గకుండా ఈ బస్సుయాత్ర చేపట్టి బావ తిరగని ప్రాంతాలను కూడా కవర్ చేస్తూ ఈ యాత్రను సాగించాలని ప్రణాలిక సిద్ధం చేస్తున్నట్లు తెలుస్తుంది. మరి బాలయ్య బావ కోసం చేస్తున్న ఈ బస్సుయాత్ర ఏ మేరకు ఫలితాన్నిస్తుందో చూడాలంటున్నారు.