దూకుడు పెంచిన ఢిల్లీ?

Posted: 11/11/2013 08:51 PM IST

Congress high command speed on state division

తెలంగాణ ప్రత్యేక రాష్ట్రం ఏర్పాటు చేయడానికి కేంద్ర ప్రభుత్వం మంచి దూకుడు మీద ఉంది. తెలంగాణ విభజన ప్రక్రియలో భాగంగా ఏర్పాటు చేసిన కేంద్ర మంత్రుల బృందం(జిఓఎం) ఈ రోజు 8 శాఖల కేంద్ర కార్యదర్శులతో సమావేశమైంది. ఉదయం, భోజన విరామం తర్వాత రెండు విడతలుగా సమావేశమై ఈ 8 శాఖలకు సంబంధించిన వివిధ అంశాలపై విస్తృత స్థాయిలో చర్చలు జరిపింది.

సమావేశంలో కేంద్ర మంత్రులు సుశీల్ కుమార్ షిండే, చిదంబరం, నారాయణ స్వామి, జైరామ్ రమేశ్, గులాంనబీ ఆజాద్ పాల్గొన్నారు. నీరు, పెట్రోలియం, వైద్యం, ఆర్థిక అంశాలపై చర్చించారు. ఈ నెల 14న మరోసారి జిఓఎం సమావేశమవుంతుంది.

ఇదిలా ఉండగా, కేంద్ర మంత్రి ఆంటోనీతో సీమాంధ్ర మంత్రులు సమావేశమయ్యారు. ఆంటోనీని కలిసినవారిలో చిరంజీవి, జేడి శీలం పురంధేశ్వరి ఉన్నారు.

అయితే ప్రత్యేక తెలంగాణ రాష్ట్ర ప్రక్రియ కొనసాగుతుందని షిండే స్పష్టం చేశారు. జీవోఎం సమావేశం అనంతరం షిండే మాట్లాడుతూ యూపీఏ -2 పదవీ కాలం పూర్తయ్యేలోపు తెలంగాణ బిల్లు పార్లమెంటు ముందుకు వస్తుందని షిండే ప్రకటించారు.

ఉమ్మడి రాజధాని విషయంలో హైదరాబాద్ పరిధిపై జీవోఎంకు అనేక ప్రతిపాదనలు వస్తున్నాయన్నారు. అవన్నింటినీ కేంద్రం పరిశీలిస్తుందని తెలిపారు. 371డి సంగతి జీవోఎం చూసుకుంటుందని షిండే చెప్పారు.