శ్రీశైల క్షేత్రంలో శివుని రాక గురించి మీకు తెలుసా ???

Posted: 05/11/2013 12:35 PM IST

ఈ జగత్తుని శాసించే పరమశివుడు , సృష్టికే మూలం . 'ఇందుగలడందులేడన్న' చందం గా , ఆ పరమశివుడు అన్ని చోట్లా , అన్ని వేళలా , సకల జీవరాసుల్లో కొలువై ఉన్నాడు . ఎన్నెన్నో ప్రదేశాలలో జ్యోతిర్లింగం గా వెలసి , ఆ ప్రదేశాలను పుణ్య క్షేత్రాలుగా మార్చాడు . అందులో ముఖమైనది శ్రీశైల మల్లికార్జున జ్యోతిర్లింగం ... మన ఆంధ్రప్రదేశ్ కర్నూలు జిల్లలో నల్లమల పర్వతశ్రేణుల సమీపంలో ఈ పుణ్య క్షేత్రం నెలకొంది . మల్లికార్జునుడిగా వెలసిన పరమశివుడిని ఈ పుణ్య క్షేత్రం లో మనం ఎన్నో సార్లు దర్సిన్చుకున్నాం . ఈ రోజు ఈ పుణ్య క్షేత్ర ప్రాముఖ్యతని 'అన్వేషిద్దాం ';

శ్రీశైల మందు దేవతలు కొలువై ఉంటారని ప్రతీతి . అక్కడ కొలువై ఉన్న మల్లికార్జున స్వామీ సంసార సాగరానికి వారదివంతివాడు. ఈ స్వామిని భక్తి విశ్వాసాలతో పూజిస్తే లభ్యం కానిది ఉండదని నమ్మకం .

మల్లికార్జున జ్యోతిర్లింగము శ్రీ పర్వతమందు ఆవిర్భవించింది . ఈ క్షేత్రము గురించి పురాణాల్లో ఎంతో మహత్తరంగా వివరించారట . శ్రీశైల క్షేత్రమందు అమ్మవారి పేరు భ్రమరాంబికాదేవి .

దేవతల ప్రార్ధన మేరకు , అగస్త్య మహర్షి వింధ్య పర్వతము గర్వము పోగొట్టడానికి కాశి నుండి లోపాముద్ర సమేతముగా శ్రీసైలమును దర్శించారు . క్రుతయుగమున హిరణ్యకశ్యపుడు , త్రేతాయుగమున సీతా లక్ష్మణ సమేత శ్రీ రామచంద్రమూర్తి , ద్వాపరయుగం లో ద్రౌపదీ సమేతముగా పాడవులు , శ్రీశైల క్షేత్రాన్ని దర్శించారని ప్రతీతి . ఇక కలియుగంలో శంకరాచార్యులవారు శ్రీశైల క్షేత్రం లో తపస్సు చేసారు .

ఇక స్థల పురాణం లోకి వెళితే , పార్వతీ పరమేశ్వరులు తన కుమారులు వినాయకునికి కుమారస్వామికి గణాది పత్యం ఇచ్చి వివాహం చేయాలని సంకల్పించారు . వారు పిల్లలను పిలిచి భూప్రదక్షిణ చేసి రామన్నారు . ఎవరు ముందు వస్తే వారికి గాణాధిపత్యంతో పాటు వివాహం చేస్తామని చెప్పిరి .

కుమారా స్వామీ తన వాహనం నెమలి మీద భూప్రదక్షిణకు బయలుదేరాడు .

మరి విఘ్నేస్వరుడేమో , తన భారీ శరీరంతో కదలలేక , తల్లితండ్రులను మించిన దైవము లేదని తలచి , అంతేకాక సృష్టికి మూలాధారమైన పార్వతీ పరమేశ్వరులను మించినడేది లేదని , భక్తీ విస్వాసములతో వీరి చుట్టూ ప్రదక్షిణ చేయ్యసాగాడు .

పార్వతీ పరమేశ్వరులు వినాయకుని నిశిత బుద్ధికి సంతోషించిరి . అందుచేత కుమారస్వామి ఎక్కడకు వెళ్ళినా ముందుగా విఘ్నేశ్వరుడు అతనికి కనిపించాసాగాడు . అందుకు కుమారస్వామి ఆశ్చర్యపోయాడు కూడా .

వినాయకుడు మొట్టమొదట భూప్రదక్షిణ చేసినవాడుగా గుర్తింపబడ్డాడు . తక్షణమే అతనికి గాణాధిపత్యంతో పాటు , సిద్ధి , బుద్ధి అను ఇద్దరు ముద్దుగుమ్మలనిచ్చి వివాహం చేసిరి . ఆ సమయమున కుమారస్వామి బాధపడి అలిగి కైలాసమును వదలి క్రౌంచ పర్వతంపైకి వెళ్ళిపోయాడు .

కుమారస్వామిని వదిలి ఉండలేక పార్వతీమాత అతనిని వెతుకుతూ అక్కడకు వెళ్ళింది . అమెననుసరించి శివుడు వెళ్ళాడు .

ఈ విధంగా శ్రీశైలం వెళ్ళిన పార్వతీ పరమేశ్వరులు భ్రమరాంబ , మల్లికార్జునుల పేర్లతో ప్రాచూర్యం చెందారు .

శివుని ఆజ్ఞ్య లేనిదే చీమైనా కుట్టదు అంటారుగా ... మరి మీ సంకల్పం సిద్ధించాలంటే , ఆ శివుని కటాక్షం ఆజ్ఞ్య పొందితే చాలు , అసంభవం అనేది ఉండదు ...