బేకింగ్ సొడాతో సొగసులు

Posted: 12/19/2014 06:16 PM IST

వంటల్లో వాడే బేకింగ్ సొడాను మహిళలు అందం కోసం కూడా ఉపయోగించవచ్చు. వందలు, వేల రూపాయలు ఖర్చుపెట్టి కొనే సౌందర్య లేపనాల కంటే ఈ సొడాను ఉపయోగించి సొగసులు పొందవచ్చని బ్యుటీషియన్లు చెప్తున్నారు. మగువలు ఎక్కువగా చూసుకుని మురిసిపోయే గోర్లు, జుట్టు, చర్మంకు కొత్త అందాలను అద్దవచ్చు.

బేకింగ్ సొడా వల్ల కలిగే ప్రయోజనాలివే :

* పళ్లు తెల్లగా లేవని బాదపడకుండా.., టూత్ పేస్ట్ లో చిటికెడు బేకింగ్ సొడా కలిపి పళ్లు శుభ్రం చేసుకోవచ్చు. దీనికి స్ర్టాబెర్రీ కూడా తోడైతే ఇంకా తళతళా మెరుస్తాయి. అయితే బేకింగ్ సొడా ఆమ్లం కావటం వల్ల నెలలో రెండు లేదా మూడు సార్లు మాత్రమే వాడండి.
* ఒంటిపై మరకలు, గరుకుతనం తొలగేందుకు మూడు వంతుల బేకింగ్ సొడాలో ఒకవంతు నీటిని కలిపి మోచేతులు, ముఖంపై గరుకు ప్రదేశం, పాదాలకు రుద్దండి. కానీ.., పగుళ్ళు ఉన్న చోట రుద్దకూడదు.
* బట్టలు దుర్గందం వస్తే కాసింత బేకింగ్ సొడాను మొక్కజొన్న గంజిలో కలుపుకుని నీళ్ళలో కలిపి బట్టలను ఉతికితే వాసన పోతుంది. అదేవిధంగా బూట్లలో కాసింత బేకింగ్ సొడా చల్లితే దుర్వాసన పోతుంది.
* షాంపూలో ఒక స్పూన్ బేకింగ్ సొడా కలిపి.., ఈ మిశ్రమాన్ని నీటిలో కలిపి తలకు పట్టించి శుభ్రం చేస్తే.., జుట్లు మెరుస్తుంది.  
* నెయిల్స్ పసుపు రంగు తొలగేందుకు బేకింగ్ సొడాను అప్లై చేసి స్క్రబ్ చేస్తే సరి. అయినా సరే తొలగలేదంటే... డాక్టర్ ను సంప్రదించటం ఉత్తమం.
* మురికి పట్టిన ఆభరణాలను ఒక గిన్నెలో వేసి వేడి నీటిని పోసి టేబుల్ స్పూన్ బేకింగ్ సొడా వేసి బ్రష్ తో శుభ్రం చేసుకోవాలి. అల్యూమినియం ఆయిల్ వాడితే ఇంకా త్వరగా శుభ్రం అవుతాయి.
* వేసవిలో చెమటకాయలు తగ్గేందుకు బేకింగ్ సొడాలో కాస్త నీరు కలిపి రుద్దితే దురదలు తగ్గటంతో పాటు మంట కూడా ఎక్కువగా ఉండదు.

కార్తిక్