డ్రై హెయిర్ కు చెక్ పెట్టే ‘శెనగపిండి ప్యాక్’

Posted: 03/16/2015 04:25 PM IST

ప్రస్తుతకాలంలో ప్రతిఒక్కరు డ్రై హెయిర్ ప్రాబ్లమ్ తో తీవ్ర ఇబ్బందులు ఎదుర్కొంటున్నారు. ముఖ్యంగా ఆఫీసుకు వెళ్లేవాళ్లయితే.. డ్రై హెయిర్ ని నివారించుకునేందుకు సమయం లభించక సతమతమవుతుంటారు. ఎన్నోరకాల బ్యూటీ ప్రొడక్ట్స్ వాడినప్పటికీ అవి తక్షణమే ప్రభావం చూపించవు. కొద్దిసేపటివరకు అవి జుట్టును ఫ్రీగానే వుంచినప్పటికీ.. తిరిగి యథాస్థితికి చేరిపోతుంది. తద్వారా ఈ సమస్య నుంచి బయటపడటం కాస్త కష్టతరం అవుతుంది.

ఇలాంటప్పుడు ఈ సమస్య నుంచి తక్షణమే విముక్తి పొందాలంటే.. ఇంట్లోనే సింపుల్ గా శెనగపిండి ప్యాక్ తయారుచేసుకుని, జుట్టుకు పట్టిస్తే చాలు. డ్రై హెయిర్‌ను నివారించడానికి ఇదొక ఎఫెక్టివ్ హోం మేడ్ రెమడీగా పనిచేస్తుందని బ్యూటీషియన్లు కూడా సలహాలు ఇస్తున్నారు. పైగా.. జుట్టు వదులుగా, సాఫ్ట్ గా, మృదువుగా, షైనింగ్ గా తయారవుతుందని వాళ్లు పరిశోధనల ద్వారా చెబుతున్నారు. మరి.. ఇటువంటి ఈ ప్యాక్ ని ఎలా చేస్తారో తెలుసుకుందామా..

శెనగపిండి ప్యాక్ తయారుచేసే విధానం :

ఒక గిన్నెలో ఒక కప్పు పచ్చిపాలు లేదా కొబ్బరి పాలు తీసుకోవాలి. ఇందులో 3 చెంచాలా శెనగపిండి మిక్స్ చేసి, సున్నితమైన పేస్ట్‌ను తయారుచేసుకోవాలి. అనంతరం ఈ మిశ్రమాన్ని తలకు పట్టించాలి. ఈ ప్యాక్ వేసుకున్న 15నిముషాల తర్వాత మన్నికైన షాంపుతో తలస్నానం చేయాలి. అంతే! ఇలా వారంలో రెండుసార్లు చేసుకుంటే.. త్వరలోనే మంచి ఫలితాన్ని గమనించవచ్చు.