ట్యానింగ్‌ను తొలగించుకోవడానికి బ్యూటీ టిప్స్

Posted: 05/01/2015 04:38 PM IST

సూర్యుని నుంచి వెలువడే అతినీలలోహిత కిరణాల కారణంగా చర్మంపై నల్లని మచ్చలు ఏర్పడుతాయి. వాటినే ట్యానింగ్ (సన్ ట్యాన్) అంటారు. ఈ సమస్య కేవలం వేసవికాలంలోనే కాదు.. ఎప్పుడైనా సంభవించే అవకాశం వుంది. ఈ ట్యానింగ్ వల్ల సౌందర్యంగా వుండే ముఖం ఒక్కసారిగా అందవిహీనంగా మారిపోతుంది. ఇటువంటి సమస్య నుంచి ఉపశమనం పొందాలంటే.. కొన్ని సింపుల్ బ్యూటీ టిప్స్ బ్యూటీషియన్లు అందిస్తున్నారు. బ్యూటీ ప్రోడక్ట్స్ ని వాడటం కంటే ఆ టిప్స్ ని నిత్యం పాటిస్తే.. ట్యానింగ్ ను త్వరగా తొలగించుకోవచ్చునని వారు సూచిస్తున్నారు. మరి.. ఆ టిప్స్ ఏంటో తెలుసుకుందామా...

* ఒక పాత్ర తీసుకుని అందులో ఒక టేబుల్ స్పూన్ పాలు లేదా క్రీమ్‌ను, ఒక టేబుల్ స్పూన్ తేనె, ఒక టేబుల్ స్పూన్ నిమ్మరసం, అరటేబుల్ స్పూన్ ఆల్మండ్ ఆయిల్ తదితర పదార్థాలు వేసి, మెత్తని పేస్టులా అయ్యేవరకు బాగా కలియబెట్టాలి. ఈ మిశ్రమాన్ని ముఖానికి పూతలా పూసుకుని... 10-15 అలాగే వుంచుకోవాలి. ఆగిన తర్వాత శుభ్రంగా కడిగేయాలి. ఇలా చేయడం వల్ల ట్యాన్‌ తగ్గడమేకాకుండా చర్మానికి మంచి నిగారింపు కూడా వస్తుంది.

* ఒక గిన్నె తీసుకుని అందులో ఒక టేబుల్ స్పూన్ పసుపు, నిమ్మరసం వేసి.. మెత్తని మిశ్రమంలా బాగా కలియబెట్టాలి. ఈ పేస్టును ట్యానింగ్ ఉన్న ప్రదేశాల్లో రాసి, బాగా రుద్దుకోవాలి. 20 నిమిషాలు అలాగే వుంచిన అనంతరం చల్లని నీటితో శుభ్రంగా కడిగేయాలి. ఇలా చేస్తే.. తక్షణమే ట్యానింగ్ సమస్య నుంచి ఉపశమనం పొందవచ్చు.

* నిమ్మ సహజ సిద్ధమైన బ్లీచ్. టమోటా గుజ్జును నిమ్మ లేదా నారింజ రసంలో కలిపి.. మిశ్రమంలా తయారుచేసుకోవాలి. ఈ పేస్టును ట్యానింగ్ వున్న ప్రదేశాల్లో రాసి.. రుద్బుకోవాలి. కొద్దిసేపటి తర్వాత చల్లని నీళ్లతో శుభ్రం చేసుకోవాలి. ఇలా ప్రతిరోజూ చేస్తే.. చర్మ సౌందర్యం మెరుగుపడుతుంది.

* స్ట్రాబెర్రి గుజ్జు, పంచదార, నిమ్మరసం కలుపుకుని ట్యానింగ్‌‌గల ప్రదేశాల్లో స్క్రబ్‌గా ఉపయోగించుకోవచ్చు. సున్నితమైన చర్మంగలవారు కాసిని బాదం పప్పుల్ని రాత్రంతా నీటిలో నానబెట్టి తోలుతీసి, రుబ్బి పుల్లని పెరుగు లేదా క్రీమ్‌తో కలిపి రాస్తే మరింతగా ఫలితం కనిపించే వీలుంటుంది.