చర్మసౌందర్యానికి బెస్ట్ ఫేషియల్స్

Posted: 04/30/2015 05:44 PM IST

ముఖానికి ఫేషియల్ స్ర్కబ్ చేయడం వల్ల ముఖచర్మంలో వుండే డెడ్ స్కిన్ సెల్స్ తొలిగిపోతాయి. అలాగే చర్మరంధ్రాలు తెరుచుకునేలా చేసి.. బ్లాక్ హెడ్స్, వైట్ హెడ్స్ ను కూడా తొలగిస్తుంది. అంతేకాదు.. ఫేషియల్ స్ర్కబ్ చర్మాన్ని ఎక్స్ ఫ్లోయేట్ చేసి.. చర్మం ఫ్రెష్ గా కనబడేలా చేస్తుంది. అలాగే.. చర్మంలోని టాక్సిన్స్ తొలగించడంతోపాటు, ఎక్సెస్ ఆయిల్ ప్రొడక్షన్ ను తగ్గిస్తుంది. ముఖ్యంగా ఫేషియల్ స్ర్కబ్ వల్ల మొటిమలు, మచ్చలకు కారణం అయ్యే నూనె, మలినాలను నివారించబడుతాయి. తద్వారా చర్మసౌందర్యం మెరుగుపడటంతోపాటు చర్మసమస్యల నుంచి ఉపశమనం పొందవచ్చు. మరి.. రకరకాలుగా వుండే వివిధ ఫేషియల్స్ ఏంటో తెలుసుకుందామా..

1. బ్లూ బెర్రీ : కొన్ని బ్లూబెర్రీ పండ్లు తీసుకొని మెత్తగా మ్యాష్ చేయాలి. అందులో కొద్దిగా బ్రౌన్ షుగర్ మిక్స్ చేసి బాగా కలియబెట్టాలి. ఈ మిశ్రమాన్ని ముఖానికి పట్టించి సర్కులర్ మోషన్ లో బాగా మర్ధన చేసి తర్వాత గోరువెచ్చని నీటితో శుభ్రం చేసుకోవాలి.

2. కాఫీ : మొటిమలకు ఇది ఒక ఉత్తమ ఫేషియల్ స్ర్కబ్. కొన్ని కాఫీ బీన్ తీసుకొని రఫ్ గా పొడి చేసుకోవాలి. అందులో కొద్దిగా ఆలివ్ ఆయిల్ మిక్స్ చేసి ముఖానికి పట్టించి బాగా మర్ధన చేయాలి. 15నిముషాల తర్వాత చల్లటి నీటితో శుభ్రం చేసుకోవాలి.

3. బొప్పాయి : ఒక పాత్రలో బాగా పండిన బొప్పాయి ముక్కలను, కొద్దిగా తేనె, పంచదార వేసి మిక్స్ చేయాలి. ఈ మిశ్రమాన్ని ముఖానికి పట్టించి స్ర్కబ్ చేయాలి. కొన్ని నిముషాల తర్వాత ముఖాన్ని చల్లటి నీటితో శుభ్రం చేసుకోవాలి.

4. చాక్లెట్ స్ర్కబ్ : చాక్లెట్ ను కరిగించి అందులో బాదం ఆయిల్, పంచదార వేసి మిక్స్ చేయాలి. ఈ పేస్టును చర్మానికి పట్టించి స్ర్కబ్ చేయాలి. డ్రై అయిన తర్వాత గోరువెచ్చని నీటితో శుభ్రం చేసుకోవాలి. ఇలా చేయడం వల్ల చర్మంలో మంచి నిగారింపు వస్తుంది.

5.  టమోటో : టమోటో చర్మానికి చాలా మేలు చేస్తుంది. ముఖ్యంగా ఇందులో విటిమిన్ సి ఉండటం వల్ల కొల్లాజెన్ ఉత్పత్తికి సహాయపడుతుంది. టమోటో గుజ్జులో కొద్దిగా పంచదార వేసి ముఖానికి పట్టించి.. కాసేపు తర్వాత శుభ్రం చేయడం వల్ల వ్రుద్దాప్య లక్షణాలను నివారించబడుతాయి.