కంటికింద నల్లని వలయాలను నివారించే చిట్కాలు

Posted: 06/08/2015 01:43 PM IST

సాధారణంగా ప్రతిఒక్కరికి కంటికింద నల్లని వలయాలు ఏర్పడుతుంటాయి. ఈ సమస్య నుంచి ఉపశమనం పొందాలంటే అందుకు ‘పొటాటో’ ఎంతో సహకరిస్తుంది. ఇది స్కిన్ పిగ్మెంటేషన్, కంటికింద వలయాలను నివారించేందుకు ఇది చాలా ఎఫెక్టివ్‌గా పనిచేస్తుంది. అంతేకాదు.. చర్మంలో మొటిమల మచ్చలను, మొటిమలను నివారించడంలో ఇది సమర్థవంతంగా పనిచేస్తుంది కూడా!

బంగాళదుంప : బంగాళదుంపను రెండు ముక్కలుగా కట్ చేసి ముఖం మీద మర్దన చేయాలి. అనంతరం బంగాళదుంపను పేస్ట్‌గా చేసుకుని ముఖానికి ప్యాక్ లా పట్టించాలి. కొద్దిసేపు అలాగే వుంచుకున్న తర్వాత శుభ్రంగా కడిగేసుకోవాలి. ఇలా చేయడం వల్ల కంటికింద నల్లని వలయాలు పూర్తిగా తొలగిపోవడంతోపాటు చర్మసౌందర్యం మెరుగవుతుంది. అలాగే.. మొటిమలు, నల్లని మచ్చలు సైతం దూరమవుతాయి. ఆలూ నుంచి తీసిన రసాన్ని ముఖానికి పట్టిస్తే కంటిచుట్టూ ఏర్పడే నల్లటి వలయాలు తొలగిపోతాయి. బంగాళాదుంపల్ని చిన్న ముక్కలుగా కోసుకుని మొహానికి అప్లై చేస్తూంటే చర్మపు ముడతలు తొలగిపోతాయి. చర్మంపై మృతకణాలను ఇది తొలగిస్తుంది.
 
అవొకాడో : ఇది చర్మానికి తగిన పోషణను, తేమను అందిస్తుంది. అంతేకాదు.. చర్మ ప్రకాశవంతంగా మారడానికి సహాయపడుతుంది. ఇది చర్మానికి ఒక ఉత్తమ డైట్ వంటిది. అవొకాడోని పేస్ట్ లా తయారుచేసుకుని ముకానికి అప్లై చేయాలి. అరగంట తర్వాత శుభ్రంగా కడిగేసుకుంటే ఎన్నో ఫలితాలు పొందవచ్చు. ముఖ్యంగా కంటికింద ఈ పేస్ట్ ని పట్టిస్తే.. తక్షణమే నల్లని వలయాలు మటుమాయమవుతాయని నిపుణులు సూచిస్తున్నారు.
 
నిమ్మ : ఇది ఎన్నోరకాల స్కిన్ ఇన్ఫెక్షన్స్ నివారించడంలో గొప్పగా సహాయపడుతుందని అందరికి తెలిసిందే! స్కిన్ రాషెస్, బ్లాక్ హెడ్స్‌ను నివారించడంతోపాటు మొటిమలు, కంటికింద నల్లని వలయాలను దూరం చేస్తుంది. నిమ్మకాయను రెండు బాగాలుగా కట్ చేసి ఒక భాగం తీసుకొని ముఖం మొత్తాన్ని మర్దన చేయాలి. ఇలా చేస్తే మొటిమలు, మచ్చలు దూరమవుతాయి.