నిమ్మరసంతో బ్యూటిఫుల్ పింక్ లిప్స్

Posted: 08/08/2015 01:14 PM IST

సున్నితమైన పెదాలు మెరుస్తూ, అందంగా కనిపిస్తేనే ముఖవర్ఛస్సు కూడా మరింత మెరుగవుతుంది. ముఖ్యంగా పెదాలు రెడ్ లేదా పింక్ కలర్ లో వుంటే.. చూపరులను ఇట్టే ఆకర్షించబడుతారు. అలాంటప్పుడు నిత్యం పింక్ కలర్ లో వుండే లిప్ స్టిక్స్ ఉపయోగించవచ్చు. కానీ.. దానిని తరచూ ఉపయోగిస్తే ఇతర ఇబ్బందులు రావొచ్చు. ఆ లిప్ కలర్స్ వల్ల పెదాలు తాత్కాలికంగా పింక్ కలర్ లో మారుతాయి కానీ శాశ్వతంగా వుండవు. పైగా.. వాటిని తగిలించినప్పుడు చాలా జాగ్రత్తలు తీసుకోవాలి. అలాకాకుండా నిత్యం పెదాలు పింక్ కలర్ లో వుండాలంటే.. నిమ్మరసం సహాయపడుతుందని నిపుణులు అంటున్నారు. మరి.. ఈ నిమ్మను పెదాల ప్రయోజనాలకు ఎలా ఉపయోగిస్తారో తెలుసుకుందామా..

* నిమ్మరసం-గ్లిజరిన్ : ఒక గ్లాసులో కొద్దిగా నిమ్మరసం వేసి, అందులో కాస్త గ్లిజరిన్ వేసి బాగా కలపాలి. ఈ మిశ్రమాన్ని పెదాలకు అప్లై చేయాలి. ఈ విధంగా రెగ్యులర్ గా చేస్తే.. పెదాల నలుపు రంగు దూరమవడంతోపాటు అవి స్మూత్ గా మారుతాయి.

* లెమన్ జ్యూస్ బామ్ : నిమ్మరసాన్ని నేరుగా పెదాలకు అప్లై చేయకుండా ప్రత్యామ్నాయంగా నిమ్మరసంతో తయారుచేసిన లిప్ బామ్, లిప్ క్రీమ్, లిప్ జెల్స్ వంటివి ఉపయోగిస్తే.. ఎంతో శ్రేయస్కరం. ఈ లిప్ బామ్ ను పట్టించడం వల్ల పెదాలు సున్నితంగా, పింక్ రంగులోకి మారుతాయి.

* నిమ్మరసం-నెయ్యి : ఒక చిన్న పాత్ర తీసుకుని అందులో కొద్దిగా నిమ్మరసం, రెండుమూడు చుక్కలు నెయ్యి వేసి మిక్స్ చేయాలి. ఈ మిశ్రమాన్ని పెదాలకు రెగ్యులర్ గా అప్లై చేయాలి. ఇలా చేయడం వల్ల పెదాలు పింక్ కలర్ లోకి మారి, ఆకర్షణీయంగా కనువిందు చేస్తాయి.

* లెమన్-రోజ్ వాటర్ : ఓ గ్లాసులో కొద్దిగా నిమ్మరసం తీసుకుని, అందులో రోజ్ వాటర్ వేసి బాగా కలుపుకోవాలి. ఈ మిశ్రమాన్ని పెదాలకు నేరుగా అప్లై చేయాలి. లెమన్ జ్యూస్ పెదాలను లైట్ గా మార్చుతుంది. రోజ్ వాటర్ నిమ్మరసంలోని యాసిడ్ రిఫ్లెక్షన్ ను తగ్గిస్తుంది.