సున్నితమైన పాదాలకు సింపుల్ టిప్స్

Posted: 08/07/2015 04:48 PM IST

Homemade remedies for soft feet beauty tips

స్త్రీల శరీరంలో వున్న అందమైన భాగాల్లో పాదాలు కూడా ఒకటి. అందమైన పాదాలు వున్నవారు చాలా ఆకర్షణీయంగా కనువిందు చేస్తారు. ముఖం కాంతివంతంగా వున్నప్పుడు.. పాదాలు బాగోలేకపోతే చాలా ఇబ్బందికరంగా, అసహ్యంగా వుంటుంది. అలాంటప్పుడు ముఖానికి తీసుకొనే జాగ్రత్తలు పాదాల విషయంలోనూ కొద్దిగా తీసుకుంటే మొత్తం శరీర సౌందర్యం ఇనుమడిస్తుంది. పాదాల సౌందర్యం కోసం స్పాలు, సెలూన్లకు వెళ్లాల్సిన అవసరం లేదు.. ఇంట్లోనే రెమెడీలు తయారుచేసుకుని, వాటిని పట్టిస్తే చాలు. ఇంతకీ ఆ రెమెడీలు ఏంటో తెలుసుకుందామా..

* లెమన్-సాల్ట్ : ఒక నిమ్మకాయను తీసుకుని, దానిని సగానికి కట్ చేసి.. ఒక నిమ్మచెక్క మీద ఉప్పు చిలకరించి పాదాల మీద 10-15నిముషాల పాటు స్క్రబ్ చేయాలి. తర్వాత గోరువెచ్చని నీటితో శుభ్రం చేసుకోవాలి.

* ఆరెంజ్ పీల్ : ఆరెంజ్ తొక్కను ఎండబెట్టి, తర్వాత పౌడర్ గా చేసుకోవాలి. ఒక టేబుల్ స్పూన్ ఆరెంజ్ పౌడర్లో ఒక చెంచా రోజ్ వాటర్ మిక్స్ చేసి పాదాలకు పట్టించాలి 15 నిముషాల తర్వాత గోరువెచ్చని నీటితో శుభ్రం చేసుకోవాలి.

* బేకింగ్ సోడా-షాంపు : 4 చెంచాల బేకింగ్ సోడా తీసుకొని ఒక టబ్ గోరువెచ్చని నీటిలో వేసి మిక్స్ చేయాలి. ఈ మిశ్రమ నీటిలో పాదాలను డిప్ చేయాలి. అదే టబ్ లో కొద్దిగా షాంపును కూడా వేసి నిధానంగా రుద్ది కడగాలి.

* లెమన్-గ్లిజరిన్-రోజ్ వాటర్ : ఒక చెంచా నిమ్మరసం, ఒక చెంచా గ్లిజరిన్, అరచెంచా రోజ్ వాటర్ ను మిక్స్ చేసి.. ఈ మిశ్రమాన్ని పాదాలకు అప్లై చేసి చేయాలి. అనంతరం సాక్సులు వేసుకొని పడుకోవాలి. ఇలా చేయడం వల్ల పాదాలు సాఫ్ట్ గా, పాదాల పగుళ్ళు లేకుండా మార్చుకోవచ్చు.

* మిల్క్ క్రీమ్ : మిల్క్ క్రీమ్ తీసుకొని మీ పాదాలకు పట్టించి మసాజ్ చేయాలి. ఇలా చేయడానికి ముందు షాంపులో కొద్దిసేపు పాదాలను నానబెట్టుకోవాలి. ఇలా చేసిన తర్వాత గోరువెచ్చని నీటితో శుభ్రం చేసుకోవాలి.