Posted: 04/13/2012 10:04 PM IST

         ఎంత మంచిగా అభినయించినా సరైన అవకాశాలు, విజయాలు అందుకోలేక పోయిన నటుడు వేణు.  'స్వయంవరం' సినిమాతో తెలుగు తెరకి పరిచయమైన వేణు, తనదైన స్టైల్లో ఆడియన్స్ కి చేరువయ్యాడు. 'హనుమాన్ జంక్షన్' ... ' యమగోల మళ్లీ మొదలైంది' వంటి హిట్స్ ఇచ్చిన వేణు, ఆ తరువాత ఆశించిన స్థాయి విజయాలను అందుకోలేక పోయాడు. వేణు కథానాయకుడిగా ఆ మధ్య వచ్చిన 'గోపి - గోపిక - గోదావరి' ... 'మాయలోడు' వంటి చిత్రాలు తమ ఉనికిని కూడా చాటుకోలేకపోయాయి.
దానికి తోడు వేణు హీరోగా నటించిన 'రామాచారి' సినిమా విడుదల వాయిదాపడుతూ వస్తోంది.
        యువ కథానాయకుల పోటీని తట్టుకోలేమనే సంగతి అతనికి అర్ధమైపోవడంతో, తాజాగా వేణు తన రూటు మార్చుకున్నట్టు కనిపిస్తోంది. ఇకపై క్యారక్టర్ ఆర్టిస్ట్ గా కూడా కొనసాగాలని నిర్ణయించుకున్నాడేమో 'దమ్ము' చిత్రంలో కథానాయిక సోదరుడి పాత్రను పోషిస్తున్నాడు. ఈ సినిమా తరువాత అతను ఈ తరహా పాత్రల్లోనే ఎక్కువగా కనిపించే అవకాశం ఉందనిపిస్తోంది.

...avnk