Posted: 06/20/2012 02:19 PM IST

     విక్టరీ వెంకటేష్ హీరోగా రూపొందుతోన్న 'షాడో' చిత్రం ప్రస్తుతం షూటింగ్ దశలో ఉంది. మెహర్ రమేష్ దర్శకత్వంలో భారీ బడ్జెట్ చిత్రంగా పరుచూరి కిరీటి ఈ చిత్రాన్ని నిర్మిస్తున్నారు. ఇప్పటి వరకూ హైదరాబాద్ లోను -  స్విట్జర్ లాండ్ లోను కొన్ని పాటలను ... కీలకమైన సన్నివేశాలను తెరకెక్కించారు. తదుపరి షెడ్యూల్ ని ముంబైలో ప్లాన్ చేశారు. ఇక్కడ కొన్ని ప్రదేశాల్లో అవుడ్డోరు చిత్రీకరణ జరగాల్సి ఉంది. అయితే ముంబయ్ లో ఎడతెరపి లేకుండా కురుస్తోన్న వర్షం కారణంగా షూటింగ్ కి ఇబ్బంది కలుగుతోందట. దాంతో  వాతావరణం అనుకూలించని కారణంగా షూటింగ్ ని కేన్సిల్ చేశారు. ఆ తరువాత షెడ్యూలు మలేసియాలో ఉండటంతో అందుకు సంబంధించిన ఏర్పాట్లు చేసుకుంటున్నారట. జూలై రెండవ వారం నుంచి అక్కడ షూటింగ్ మొదలౌతుందని చెబుతున్నారు. ఈ సినిమాలో వెంకటేష్ సరసన తాప్సీ ... శ్రీకాంత్ జోడీగా మధురిమ నటిస్తున్నారు. ఈ చిత్రంలో వెంకీని చాలా డిఫెరెంట్ యాంగిల్ లో చూపించబోతున్నాడు దర్శకుడు మహర్ రమేష్. ఇప్పటికే ఈ సినిమా ఫస్ట్ లుక్ అందరినీ ఆకర్షించింది.

...avnk