Posted: 10/04/2012 04:30 PM IST

సస్పెన్స్ థ్రిల్లర్ చిత్రాలు తీయడంలో తనకంటూ ఓ ప్రత్యేక శైలి ఏర్పరుచుకొని ప్రేక్షకుల మన్ననలు పొందుతున్న దర్శకుడు రవిబాబు. గతంలో ‘అనసూయ, నచ్చావులే వంటి చిత్రాలతో తన టాలెంట్ ని చూపించుకున్న రవిబాబు తాజాగా అతి తక్కువ బడ్జెట్ లో ‘అవును ’ అనే సినిమా తీసి, కలెక్షన్లలో కూడా ఔరా అనిపించుకున్నాడు. తాజాగా అందిన సమాచారం ప్రకారం ఈ చిత్రాన్ని హిందీలో రీమేక్ చేయడానికి సన్నాహాలు చేస్తున్నట్లు తెలుస్తోంది. పలు బాలీవుడ్ ఫిల్మ్ ప్రొడక్షన్స్ కంపెనీలు రవిబాబును సంప్రదించి రీమేక్ హక్కుల కోసం ప్రయత్నించినట్లు సమాచారం. అనుష్కశర్మ ఇందులో నటించడానికి ఆసక్తి కనబరుస్తున్నట్టు సమాచారం. త్వరలోనే ఈ విషయంపై ఓ క్లారిటీరానుంది. ఈ సినిమా ‘ఆయా ' గా తమిళంలో  కూడా అనువాదమవుతోంది..