‘లెజెండ్ ’ ఆడియో గెస్టులు వీరే

Posted: 03/07/2014 07:27 PM IST

తెలుగు చిత్ర పరిశ్రమలో బాలయ్యకు ఎంత మాస్ ఫాలోయింగ్ ఉన్నదో అందరికి తెలిసిందే. అలాటి హీరో ఓ మాస్ చిత్రంలో నటించి, ఆ సినిమా ఆడియోకు మంచి ఫ్యాన్ ఫాలోయింగ్ ఉన్న టాప్ దర్శకుడు గెస్ట్ గా వస్తే ఎలా ఉంటుందో వేరే చెప్పాల్సిన అవసరం లేదు. మాస్ దర్శకుడిగా పేరు తెచ్చుకున్న బోయపాటి దర్శకత్వంలో భారీ బడ్జెట్ తో తెరకెక్కిన ‘లెజెండ్ ’ సినిమా ఆడియో ఫంక్షన్ కి టాలీవుడ్ దర్శక ధీరుడు జక్కన్న చీప్ గెస్టుగా రాబోతున్నాడు.

ఈయనతో పాటు మరో దర్శకుడు శీను వైట్ల కూడా గెస్టుగా రాబోతున్నాడు. పూర్తి మాస్ ఎంటర్ టైనర్ గా తెరకెక్కిన ఈ సినిమాకు దేవీ శ్రీ ప్రసాద్ సంగీతాన్ని అందించాడు. 14 రీల్స్ ఎంటర్టైన్మెంట్ -వారాహి చలనచిత్ర పతకాలు కలసి సంయుక్తంగా నిర్మిస్తున్న ఈ సినిమా ఈనెల చివర్లో ప్రేక్షకుల ముందుకు రానున్నది. టాలీవుడ్ టాప్ డైరెక్టర్లు, సినీ అతిరథ మహారాజులు రానున్న ఈ ఆడియో ఫంక్షన్ కి తోడు అనసూయ కూడా తోడవ్వడంతో ఈ ఆడియో అదిరిపోవడం ఖాయం అంటున్నారు.