బాలయ్యకు గట్టి షాక్ ఇచ్చిన మా టీవి

Posted: 03/07/2014 04:57 PM IST

Maa tv rejected for legend movie satellite rights

బాలక్రిష్ణ – బోయపాటి శీను దర్శకత్వంలో వస్తున్న ‘లెజెండ్ ’ సినిమా పై రోజు రోజుకు అంచనాలు పెరుగిపోతున్నాయి. గతంలో వీరిద్దరి కాంబినేషన్లో వచ్చిన ‘సింహా ’ సినిమా భారీ విజయాన్ని సంపాదించుకోవడం, మళ్ళీ అదే కాంబినేషన్ రిపీట్ కావడం, ఇటీవల విడుదలైన టీజర్ కి అనూహ్యమైన రెస్పాండ్ రావడం తో ఈ చిత్ర యూనిట్ సభ్యులు తెగ సంతోష పడిపోతున్న వీరికి మాటీవి నుండి కోలుకోలేని దెబ్బ తగిలింది.

ఇటీవలి కాలంలో ఈ సినిమా శాటిలైట్ హక్కులు భారీ రేటుకు (8.5 కోట్లు) మాటీవి కొన్నట్లు వార్తలు వచ్చిన విషయం తెలిసిందే. అయితే తాజాగా మాటీవీ వారు అంత రేటు పెట్టలేమని చేతులెత్తేయడంతో భారీగా డబ్బులు వస్తాయని ఆశపడ్డ 14 రీల్స్ వారికి నిరాశ ఎదురు కావడంతో ఈ సినిమా ఆడియో రిలీజ్ లైవ్ హక్కుల్ని మా టీవి వారికి కాకుండా వేరే ఛానల్ వారికి ఇచ్చినట్లు తెలుస్తుంది.

ఇదే కాకుండా ఈ చిత్రానికి సంబంధించిన టైటిల్ విషయంలో కూడా చిత్ర యూనిట్ కాస్తంత ఇబ్బందులు ఎదుర్కొంటున్నట్లు తెలుస్తుంది. దీనికి సంబంధించిన సమస్యను కూడా వారితో చర్చించి రెండు మూడు రోజుల్లో పరిష్కారం చేసుకొని అఫీషియల్ అనౌన్స్ మెంట్ చేస్తారని అంటున్నారు. ఓ వైపు సినిమాకు పై పెరుగుతున్న అంచాలకు తోడుగా ఇలాంటి చిన్న సమస్యలు రావడంతో బాలయ్య కాస్తంత నిరాశగా ఉన్నాడని అంటున్నారు.