బాబోయ్.. బాలీవుడ్ లో ట్రై యాంగిల్ డేటింగ్

Posted: 09/26/2014 12:27 PM IST

ట్రై యాంగిల్ లవ్ స్టోరిలు సినిమాల్లో చాలానే చూశాము.., నిజ జీవితంలో కూడా అక్కడక్కడా ఇవి జరుగుతున్నాయి. ఈ త్రికోణం ప్రేమ అంటే అమ్మాయి లేదా అబ్బాయి ఒకరిని లవ్ చేస్తుంటే., వారిని కొత్తగా మూడవ వ్యక్తి ప్రేమించటం. ఇప్పుడిది డేటింగ్ లో కూడా జరుగుతోందండీ బాబు. అదీ మన దేశంలోనే.., డేటింగులకు కేరాఫ్ అడ్రస్ గా మారిన బాలీవుడ్ లో ఈ వింత కల్చర్ పుట్టుకొస్తోంది. ఇద్దరు హీరోయిన్లు.., ఒక హీరోతో డేట్ చేస్తున్నారట. తాజాగా దీపికా పడుకునే చెప్పిన మాటలతో ఈ విచిత్రం బయటకు వచ్చింది.

బాలీవుడ్ లో దీపికా పడుకునే డేటింగ్ గురించి చాలామందికి తెలుసు. దీపిక రణ్ వీర్ డేట్ లో ఉన్నారని... తెగ ప్రచారం జరిగింది. ఇప్పుడీ విషయాన్ని దీపిక స్వయంగా ప్రకటించింది. కూడా. రణవీర్ తో డేటింగ్ పై తనను ప్రశ్నించిన ఓ జర్నలిస్టుకు..‘‘డేటింగ్ కు సరైన వ్యక్తి రణ్ వీర్.. ఇక అంతకంటే ఏమి చెప్పను’’ అని చెప్పేసిందట. ఇంకేముంది ఇద్దరి మద్యా డేటింగ్ ఉందహో... అంటూ బాలీవుడ్ అంతా ప్రచారం జరుగుతోంది. అనుకున్నదే నిజం అయింది అని బాలీవుడ్ విశ్లేషకులు చంకలుకొట్టుకుంటున్నారు. డేటింగ్ విషయాన్ని రణ్ వీర్ తోసిపుచ్చలేదు. అలాగని వ్యతిరేకించలేదు కూడా. దీంతో ఇద్దరిమద్య ఖచ్చితంగా సమ్ థింగ్.., సమ్ థింగ్ అని ప్రచారం జరుగుతోంది.

మనది కాని డేటింగ్ కల్చర్ ను బాగానే ఫాలో అవుతున్నారు.. బాగానే ఉంది. కాని ఇక్కడే మరో విషయం మనం గుర్తు చేసుకోవాలి. అదే బాలీవుడ్ బ్యూటి ప్రియాంక చోప్రా.., రణ్ వీర్ డేటింగ్. వీరిద్దరి డేట్ల గురించి కూడా తెగ ప్రచారం జరిగింది. ‘గుండె’ సినిమాలో కలిసి నటించిన ఇద్దరూ... గుండెల నిండా డేటింగ్ నింపుకుని ఉన్నారని పుకార్లు వచ్చాయి. మరి ఈ వ్యవహారంలో ఏమిటో., ఇఫ్పుడు ఉందో.., లేదో తెలియదు. ప్రియాంక -రణ్ వీర్ డేటింగ్ నిజం అయితే.., అటు దీపిక- రణ్ వీర్ డేటింగ్ కూడా నిజమని పొడుగు కాళ్ళ సుందరి ప్రకటించింది. ఏంటో ఏమనాలో తెలియకుండా ఉంది వీరిని.

కార్తిక్