తమిళ స్వయంకృషి రీమేక్ రావట్లేదు

Posted: 10/18/2014 11:03 AM IST

తమిళంలో భారీ హిట్ సాధించిన ధనష్ సినిమా ‘వేలయిళ్ల పట్టితారి (వి.ఐ.పి)’ తెలుగు రీమేక్ పై వచ్చిన ఊహాగానాలకు తెరపడింది. ఈ సినిమాను రీమేక్ చేయటం లేదని స్పష్టం అయింది. తిరిగి తెరకెక్కించే బదులుగా... డబ్బింగ్ చేసి విడుదల చేయాలని డిసైడ్ అయ్యారట. తెలుగులో ‘రఘురామ్ బి.ఈ.’ పేరుతో విడుదల చేసేందుకు సన్నాహాలు చేస్తున్నారు.

ధనుష్ హీరోగా నటించిన ఈ సినిమా తమిళంలో ఘనవిజయం సాధించింది. ఇంజనీరింగ్ పూర్తయిన ఓ అబ్బాయి ఉద్యోగం చేయకుండా.., కష్టపడి స్వయంకృషితో ఎలా ఇంజనీర్ అయ్యాడు అనేది కధ. ఇందులో ధనుష్ నటన అద్భుతంగా ఉంది అని అంతా కితాబిచ్చారు. అమలాపాల్ హీరోయిన్ గా నటించగా.., అనిరుధ్ సంగీతం అందించాడు.

కోలీవుడ్ లో హిట్ అయిన ఈ సినిమాను టాలీవుడ్ లో హీరో రామ్ రీమేక్ చేస్తారని ఊహాగానాలు వచ్చాయి. అయితే పలు కారణాల వల్ల ఈ ప్రతిపాదన పట్టాలెక్కటం లేదు అని తెలిసింది. రీమేక్ బదులుగా డబ్బింగ్ చేసి విడుదల చేయాలని అనుకుంటున్నారు. త్వరలోనే డబ్బింగ్ హక్కుల కొనుగోలుదారులు.., ‘రఘురామ్ బి.ఈ.’ సినిమా విడుదల తేది ఇతర వివరాలు బయటకు వచ్చే అవకాశం ఉంది.

కార్తిక్