కన్నడ కాలేజీలో శ్వేతబసు... షాకైన స్టూడెంట్స్...

Posted: 11/08/2014 10:45 AM IST

Kannada engineering colleges shweta basu prasad prostitution incidents rescue home

వ్యభిచారంలో దొరికిపోయిన శ్వేతబసు ప్రసాద్.. ఇటీవలే రెస్క్యూ హోంనుంచి విడుదలై ముంబైలోని తన ఇంటికి చేరుకున్న విషయం తెలిసిందే! అక్కడికి వెళ్లిన అనంతరం ఈమె తనపై జరిగిన సంఘటనల మీద ఆగ్రహం వ్యక్తం చేసింది. తను అసలు ఏ జర్నలిస్ట్ కు ఇంటర్వ్యూ ఇవ్వలేదని... తనపై తప్పుడు ప్రచారాలు చేశారని.. అటువంటివారిపై చట్టపరమైన చర్యలు తీసుకుంటామని ఘాటుగా స్పందించింది. ఇవన్నీ జరిగిపోయిన విషయాలు... అయితే తాజాగా ఈమెకు సంబంధించిన మరొక ఆసక్తికరమైన తెరమీదకు వచ్చేసింది. కన్నడ ఇంజనీరింగ్ కాలేజీకి ఈమెకు మధ్య లింకున్న ఒక వార్త సంచలనం సృష్టిస్తోంది.

అసలు విషయం ఏమిటంటే.. ఈమధ్యకాలంలో కాలేజీల్లో పర్సనాల్టీ డెవలప్‌మెంట్ క్లాస్‌లు ఎక్కువగా జరుగుతున్నాయి. అటువంటి క్లాసుల్లో ముఖ్యంగా ముఖ్యంగా బిజినెస్‌మేన్స్, స్పోర్ట్స్ వ్యక్తుల గురించి.. వారి జీవనశైలి విధానాలను ఉదాహరణగా చెబుతున్నారు. ఏవైనా స్ఫూర్తిని కలిగించే రియల్ లైఫ్ సంఘటనలనే ఎక్కువగా చెబుతుంటారు. సిట్యువేషన్‌ని తమకు అనుకూలంగా మార్చుకునే విషయం, పాజిటివ్ థింకింగ్ అనే అంశాల గురించి చర్చిస్తున్నారు. ఈ నేపథ్యంలో శ్వేతబసు గురించి కన్నడ ఇంజనీరింగ్ కాలేజీల్లో ప్రస్తావనకు వచ్చిందని సమాచారం!

శ్వేత రెస్క్యూహోంలో వున్నంతకాలం అక్కడి పరిస్థితులను తనకు అనుకూలంగా మలచుకుని పిల్లలతో గడపడం, అక్కడ వారికి క్లాసులు చెప్పడం లాంటివి చేసింది. అక్కడ తనకు ఎదురైన అనుభవాలను ఇంగ్లీష్ లో ఒక కవిత కూడా రాసింది. ఇటువంటి వాటిగురించే కన్నడ ఇంజనీరింగ్ కాలేజీల్లో స్టూడెంట్స్ కు పర్సనాల్టీ డెవలప్‌మెంట్ క్లాస్‌లో ప్రస్తావించారని సమాచారం! శ్వేతకు సంబంధించిన విషయాలను విని, ఆమె రాసిన కవిత్వాలు చదివి అందరూ ఆశ్చర్యానికి గురవుతున్నారట! శ్వేతలో కూడా ఇంట టాలెంట్ వుందా..? అంటూ సందేహాలు వ్యక్తం చేస్తున్నారు. ఆమె రాసిన కవితలోని ఒక్కో పేరాను చదివి.. పర్సనాల్టీ డెవలప్‌మెంట్ క్లాస్‌లో చర్చించారని వార్తలు వస్తున్నాయి.