పవన్ కళ్యాణ్ సర్దార్ ఫస్ట్ లుక్

Posted: 07/31/2015 02:58 PM IST

పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ‘సర్దార్’. ‘పవర్’ ఫేం బాబీ దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాత శరత్ మరార్ నిర్మిస్తున్నారు. యంగ్ రాకింగ్ మ్యూజిక్ డైరెక్టర్ దేవిశ్రీప్రసాద్ సంగీతం అందిస్తున్నాడు.

ఇటీవలే షూటింగ్  ప్రారంభమయ్యింది. మొదటి షెడ్యూల్ ను విజయవంతంగా పూర్తి చేసుకుంది. మరో షెడ్యూల్ ప్రస్తుతం హైదరాబాద్ లోని ఓ అల్యుమినియం ఫ్యాక్టరీలో జరుగుతుంది. ఇందులో పవన్ కళ్యాణ్ మరియు కొంత మంది ఫైటర్స్ పై భారీ యాక్షన్ సన్నీవేశాలను చిత్రీకరిస్తున్నారు.

అయితే తాజాగా ఈ సినిమాకు సంబంధించి ఓ ఫస్ట్ లుక్ స్టిల్ ను విడుదల చేసారు. మరికొద్ది రోజుల్లోనే ఫస్ట్ లుక్ పోస్టర్ మరియు టైటిల్ లోగోను విడుదల చేయనున్నారు. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.