మహేష్ ‘శ్రీమంతుడు’ బెన్ఫిట్ షో విశేషాలు

Posted: 08/01/2015 04:24 PM IST

మహేష్ బాబు, శృతిహాసన్ నటించిన ‘శ్రీమంతుడు’ సినిమా కోసం అభిమానులు ఎంతగానో ఎదురుచూస్తున్న విషయం తెలిసిందే. ప్రపంచ వ్యాప్తంగా ఈ చిత్రాన్ని తెలుగు, తమిళం భాషల్లో ఆగష్టు 7వ తేదిన గ్రాండ్ గా విడుదల కానుంది. కానీ ఆగష్టు 7వ తేది కంటే ముందుగానే ఈ సినిమా బెన్ఫిట్ షో ప్రదర్శించనున్న విషయం తెలిసిందే.

అభిమానుల కోసం చిత్ర యూనిట్ బెన్ఫిట్ షోల ఏర్పాటు చేసారు. ఆగష్టు 6వ తేదిన సెకండ్ షో సమయంలో ఈ బెన్ఫిట్ షోలను ఏర్పాటు చేస్తున్నారు. ఇప్పటికే ఈ షో టికెట్ల కోసం అభిమానులు తెగ ఆరాటపడుతున్నారు. మొత్తానికి ‘శ్రీమంతుడు’ చిత్రాన్ని త్వరగా చూసేయాలని ఫ్యాన్స్ తొందరపడుతున్నారు.

కొరటాల శివ దర్శకత్వంలో తెరకెక్కిన ఈ చిత్రాన్ని మైత్రీ మూవీ మేకర్స్ సంస్థ ప్రతిష్టాత్మకంగా నిర్మించింది. ఇప్పటికే విడుదలైన పాటలు, ట్రైలర్లకు భారీ స్పందన వస్తుంది. ‘శ్రీమంతుడు’ రెస్పాన్స్ కు మహేష్ అభిమానులు ఫుల్ ఖుషీలో వున్నారు. సినిమా ఎలాగైనా హిట్టవ్వడం ఖాయమంటు ధీమాగా వున్నారు.

తమిళంలో ఈ చిత్రాన్ని ‘సెల్వాందన్’ పేరుతో విడుదల చేస్తున్నారు. ఈ చిత్రంలో జగపతి బాబు, సుకన్య, రాజేంద్రప్రసాద్, రాహుల్ రవీంద్రన్, పూర్ణ తదితరులు ప్రధాన పాత్రలలో నటించారు. మరి ఈ సినిమా ఎలాంటి విజయం సాధించనుందో మరికొద్ది రోజుల్లోనే తెలియనుంది.