పవర్ స్టార్ పవన్ కళ్యాణ్ ఫస్ట్ లుక్ స్టిల్ అదుర్స్

Posted: 08/01/2015 04:29 PM IST

‘అత్తారింటికి దారేది’, ‘గోపాల గోపాల’ వంటి బ్లాక్ బస్టర్ హిట్ చిత్రాల తర్వాత పవర్ స్టార్ పవన్ కళ్యాణ్ నటిస్తున్న తాజా చిత్రం ‘సర్దార్’. భారీ అంచనాలతో తెరకెక్కుతున్న ఈ చిత్రానికి ‘పవర్’ చిత్ర ఫేం దర్శకుడు బాబీ దర్శకత్వం వహిస్తున్నాడు. భారీ బడ్జెట్ తో రూపొందుతున్న ఈ చిత్రాన్ని ప్రముఖ నిర్మాత శరత్ మరార్ నిర్మిస్తున్నారు. యువ రాకింగ్ మ్యూజిక్ డైరెక్టర్ దేవిశ్రీప్రసాద్ సంగీతం అందిస్తున్నాడు.

ఇటీవలే విడుదలైన ఈ చిత్ర ఫస్ట్ లుక్ స్టిల్ కు భారీ రెస్పాన్స్ వచ్చింది. పవన్ కళ్యాణ్ ఫేస్ కనిపించకుండానే విడుదలైన ఈ స్టిల్ కు భారీ రెస్పాన్స్ వస్తోంది. ఈ సినిమా కోసం పవన్ కళ్యాణ్ భారీగా గడ్డం, మీసాలు, హెయిర్ స్టైల్ ను పెంచేసిన విషయం తెలిసిందే. అయితే తాజాగా పవన్ క్లీన్ షేవ్ తో దర్శనమిచ్చాడు.

తాజాగా ఈ చిత్ర షూటింగ్ స్పాట్ లో దర్శకుడు బాబీ, నిర్మాత శరత్ మరార్ లతో కలిసి పవన్ కళ్యాణ్ దిగిన ఫోటోలను విడుదల చేసారు. పవన్ కళ్యాణ్ మళ్లీ ఒరిజినల్ లుక్స్ లో కేకపుట్టిస్తున్నాడు. ప్రస్తుతం ఈ చిత్ర షూటింగ్ శరవేగంగా జరుగుతోంది. మరికొద్ది రోజుల్లోనే ఫస్ట్ లుక్ పోస్టర్ మరియు టైటిల్ లోగోను విడుదల చేయనున్నారు.

హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రంలో ఇద్దరు హీరోయిన్లు నటించనున్నారు. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు. ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.