శైలజతో క్రేజీ ఫిలింగ్ అంటున్న రామ్

Posted: 12/21/2015 10:33 AM IST

‘పండగ చేస్కో’, ‘శివమ్’ చిత్రాల తర్వాత రామ్ హీరోగా నటిస్తున్న తాజా చిత్రం ‘నేను శైలజ’. ఇప్పటికే విడుదలైన పోస్టర్లు, టీజర్లకు మంచి రెస్పాన్స్ వస్తోంది. శ్రీ స్రవంతి మూవీస్ బ్యానర్ పై స్రవంతి రవికిశోర్ నిర్మిస్తున్న ఈ చిత్రానికి కిశోర్ తిరుమల దర్శకత్వం వహిస్తున్నారు.

దేవిశ్రీప్రసాద్ సంగీతం అందించిన ఈ చిత్ర ఆడియోను ఈరోజు(డిసెంబర్ 21) విడుదల చేయనున్నారు. ఇప్పటికే ‘క్రేజీ ఫిలింగ్...’ అనే సాంగ్ ను విడుదల చేసారు. ఈ పాటకు మంచి రెస్పాన్స్ వస్తోంది. యూత్, ప్రేమికులకు ఈ పాట తెగ నచ్చేస్తుంది. ఇందులో రామ్ ఓ లవర్ బాయ్ గా కనిపించనున్నాడు.

రామ్ సరసన తొలిసారిగా కీర్తి సురేష్ హీరోయిన్ గా నటిస్తుంది. కీర్తి సురేష్ కు ఇదే తొలి తెలుగు సినిమా. పూర్తిస్థాయి లవ్, రొమాంటిక్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని వచ్చే ఏడాది ఫిబ్రవరిలో విడుదల చేయడానికి సన్నాహాలు చేస్తున్నారు. త్వరలోనే విడుదల తేదిని ప్రకటించనున్నారు.