అనుష్క సినిమాలో కృష్ణగాడి ప్రేయసి

Posted: 03/03/2016 06:36 PM IST

నాని హీరోగా నటించిన ‘కృష్ణగాడి వీరప్రేమగాధ’ చిత్రంతో హీరోయిన్ గా ఎంట్రీ ఇచ్చింది మెహరీన్. ఇందులోని మహాలక్ష్మీ పాత్రతో తెలుగు ప్రేక్షకులకు మెహరీన్ బాగా దగ్గరయ్యింది. తన అందం, అభినయం, చిరునవ్వుతో మెహరిన్ ఈ సినిమాలో అలరించేసింది. దీంతో ఈ అమ్మడికి వరుస అవకాశాలు వచ్చిపడుతున్నాయి.

ప్రస్తుతం తెలుగులో రెండు సినిమాలలో హీరోయిన్ గా ఎంపిక అయ్యింది. అందులో ఒకటి కళ్యాణ్ రామ్, పూరీ జగన్నాధ్ ల కాంబినేషన్లో రూపొందుతున్న సినిమా కాగా, మరొకటి బి.వి.యస్.ఎన్.రవి దర్శకత్వంలో సాయిధరమ్ తేజ సరసన హీరోయిన్ గా ఎంపిక అయ్యింది. తెలుగులోనే కాకుండా మెహరీన్ కు తాజాగా బాలీవుడ్ ఆఫర్ కూడా వచ్చింది.

బాలీవుడ్ స్టార్ హీరోయిన్లలో ఒకరైన అనుష్క శర్మ నిర్మాణంలో రూపొందుతున్న ఓ సినిమాలో మెహరీన్ ను హీరోయిన్ గా ఎంపిక చేసారు. ఇందులో మెహరీన్ పంజాబీ అమ్మాయిగా నటించనుందని సమాచారం. అలాగే పలు వాణిజ్య ప్రకటనల అవకాశాలు కూడా వస్తున్నాయి. మొత్తానికి ‘కృష్ణగాడి వీరప్రేమగాధ’ వల్ల మెహరీన్ కు బాగానే అవకాశాలు వచ్చేస్తున్నాయి.