బాహుబలి-2 ఫస్ట్ డే టోటల్ కలెక్షన్లు

Posted: 04/29/2017 01:48 PM IST

''బాహుబలి 2'' సినిమా దాదాపు అన్ని ఏరియాల్లోనూ అద్భుతమైన ఓపెనింగ్స్ ను పట్టేసింది. దాదాపు అన్ని ధియేటర్లలోనూ బాహబలి 2 సినిమానే రిలీజ్ కావడం వలన.. ఇప్పుడు కలక్షన్లు విపరీతంగా పెరిగిపోయాయ్. గతంలో వచ్చినదానికంటే డబుల్ వచ్చేసింది. కేవలం హిందీ, తెలుగు వర్షన్ లు కలుపుకునే 80 కోట్ల దాకా(అడ్వాన్స్ షోలు కలుపుకుని) రాబట్టడం విశేషం. రమారమీ టోటల్ వరల్డ్ వైడ్ కలెక్షన్లు 125 కోట్ల గ్రాస్.. 70 కోట్ల షేర్ కు పైగానే ఉండొచ్చని ఓ అంచనా. 

తెలుగు రాష్ట్రాల విషయానికొస్తే... ఆంధ్ర నుండి 28 కోట్ల షేర్.. నైజాం నుండి 8.9 కోట్లు షేర్.. అలాగే సీడెడ్ నుండి 6.35 కోట్లు షేర్ రాబట్టింది ఈ సినిమా. ఇంతకు ముందు బాహుబలి 1 మాత్రం 2015లో కేవలం 22.40 కోట్లు షేర్ వసూలు చేసింది. ఆ తరువాత ఖైదీ నెం 150 ఆ రికార్డును బ్రేక్ చేస్తూ తెలుగు రాష్ట్రాల్లో 23.24 కోట్లు వసూలు చేసింది. ఇప్పుడు అటువంటి డే 1 రికార్డులన్నింటినీ బ్రేక్ చేస్తూ బాహుబలి 2 ఏకంగా 43.26 కోట్లు షేర్ వసూలు చేసి దరిదాపులో మరే తెలుగు సినిమా ఆ ఫీట్ ను టచ్ చేయనంత హైట్ లో ఉంచింది.

కాకపోతే ఎప్పుడూ నైజాం ఏరియాలో ఆంధ్ర రాష్ట్రంలో కంటే షేర్లే ఎక్కువగా వస్తాయి. కాని ఈసారి భారీ అడ్వాన్సులను కూడా కలపడం కారణంగానేమో.. బాహుబలి 2 విషయంలో నైజాం కంటే ఆంధ్రలో కలక్షన్లు ఎక్కువగా రావటం విశేసం.

 

బాహుబలి-2 ఫస్ట్ డే బాలీవుడ్ కలెక్షన్లు