సమంత ప్లేస్ లో నిత్యామీనన్.. యూటర్న్ రీమేక్ కన్ఫర్మ్

Posted: 05/13/2017 05:46 PM IST

తెలుగమ్మాయి కాకపోయినా తానేం తక్కువ కాదంటూ మొదటి సినిమాకే డబ్బింగ్, ఓ పాట పాడేసింది నిత్యామీనన్. వేరే భాషల నుంచి దిగుమతి అయిన భామల్లో తెలుగు త్వరగా నేర్చేసుకుంది బహుశా ఈ మల్లూ బ్యూటీనే కాబోలు. అయితే ఇన్నాళ్ల కెరీర్ లో చాలా సెలక్టివ్ ప్రాజెక్టులు చేసి అంతే క్రేజ్ ను సంపాదించేసుకుంది.

కానీ, జనతా గ్యారేజ్ తర్వాత స్ట్రెయిట్ తెలుగు మూవీ ఓకే చేసింది లేదు. ఆ మధ్య డైరక్టర్ ఆలోచనలతోనే సావిత్రి బయోపిక్ ను వదిలేసుకుందని కూడా చెప్పుకున్నాం. కానీ, ఇప్పుడు రియలైజేషన్ అయ్యిందో ఏమో తెలీదుగానీ వరుసగా సినిమాలతో ఎగబడిపోయేందుకు సిద్ధమైంది. అందులో ఒకటి కేఎస్ రామారావు బ్యానర్ క్రియేట్ కమర్షియల్ లో ఓ కొత్త కుర్రాడి దర్శకత్వంలో సినిమా.

ఇంకోకటి కన్నడలో బ్లాక్ బస్టర్ గా నిలిచిన యూటర్న్ తెలుగు రీమేక్. నిజానికి ఈ సినిమా కోసం స్పెషల్ గా బెంగళూర్ వెళ్లి మరీ షో చూసి వచ్చిన సమంత ఆ సినిమాను రీమేక్ చేయాలనుకుంది. అవసరమైతే తానే నిర్మాతగా రూపొందించాలన్న ఫ్లాన్ కూడా చేసింది. కానీ, ఇంతలో నిత్యాతో ఆ సినిమా ఖరారైనట్లు తెలుస్తోంది. ఆల్ మోస్ట్ కన్ఫర్మ్ అయిన ఈ ప్రాజెక్టుకు సంబంధించి పూర్తి వివరాలు తెలియాల్సి ఉంది.