బిగ్ కలెక్షన్లు.. డీజేకు అంత ఛాన్స్ లేదా?

Posted: 06/17/2017 02:08 PM IST

Dj opening day collections effect on eid

అల్లు అర్జున్ హీరోగా హిట్ డైరెక్టర్ హరీష్‌ శంకర్ దర్శకత్వంలో తెరకెక్కిన చిత్రం ‘దువ్వాడ జగన్నాథం’. ఈ చిత్రం సెన్సార్ పూర్తి చేసుకుని 23న గ్రాండ్ గా రిలీజ్ కాబోతుంది. అయితే అదే రోజున సల్మాన్ ఖాన్ మూవీ ‘ట్యూబ్ లైట్’ భారీ అంచనాల మధ్య అదే తేదీన విడుదల కాబోతోంది. బాహుబలి 2 తర్వాత వసూళ్ల విషయంలో కాంప్రమైజ్ అయ్యే ప్రసక్తే లేదు కాబట్టి భారీ ఎత్తునే ట్యూబ్ లైట్ ను రిలీజ్ చేసేందుకు సన్నాహాలు చేస్తున్నారు.

హైదరాబాద్ తోపాటు బెంగళూరు.. చెన్నై లాంటి నగరాల్లోనూ ‘ట్యూబ్ లైట్’ భారీగానే విడుదలవుతోంది. ఇక కోలీవుడ్ బాక్సాఫీస్ లోనూ రెండు చిత్రాలు రిలీజ్ ఉండటంతో అక్కడ ఎఫెక్ట్ పడటం ఖాయం. ఈ లెక్కన డీజే వసూళ్లు భారీ స్థాయిలో ఉంటాయన్న ఆశలకు గట్టి పడినట్లేననుకోవచ్చు. ఈ సినిమా 80 కోట్ల బిజినెస్ చేసింది. ఆ నేఫథ్యంలో వసూళ్లు రాబట్టడం చాలా కీలకం.

ఇక ఈ మధ్యే ఆడియో విడుదల చేసిన విషయం తెలిసిందే. అయితే ఓ వర్గం వాళ్లు పాటపై అభ్యంతరం చెప్పటం, అది కాస్త సెన్సార్ బోర్డు దాకా వెళ్లటంతో సినిమా రిలీజ్ పై కాస్త డౌట్లు నెలకొన్నాయి. ఈ నేపథ్యంలో సినిమా సెన్సార్ కార్యక్రమాలను పూర్తి చేసుకుని యు/ఎ స‌ర్టిఫికేట్‌ను పొందింది. ‘డీజే’ను జూన్ 23న ప్ర‌పంచ వ్యాప్తంగా విడుదల చేసేందుకు చిత్రయూనిట్ ఏర్పాట్లు చేస్తోంది.

ఇంకోవైపు యూఎస్‌లోనూ 300 లొకేషన్స్‌లో విడుదల చేయనుండడం విశేషం. ఇప్పటికే విడుదలైన డీజే టీజర్, ట్రైలర్‌లలో బన్నీ నటన, స్టైలీష్ స్టార్ సరసన పూజా వాగ్దే చేసిన రొమాంటిక్ సీన్స్‌… యూట్యూబ్‌లో క్రియేట్ చేసిన సంచలనాల గురించి మరో మాట చెప్పనక్కర్లేదు. గంటల్లోనే లక్షల వ్యూస్‌తో అందరినీ ఆకట్టుకున్నాయి. ట్రైలర్, టీజర్ తోపాటు సెన్సార్ ఇన్నర్ వ్యూవ్ ప్రకారం బన్నీ మరో హిట్ తన ఖాతాలో వేసుకున్నట్లే అనే చర్చ జరుగుతోంది.

జూన్ 23న అభిమానుల ముందుకు రానుండడంతో అంతా ఆసక్తిగా ఎదురు చూస్తున్నారు. ‘వాయించే డీజే’ఏ రేంజ్ లో కలెక్షన్లు కుమ్ముతాడు అన్నదానిపైనే ఇప్పుడు పెద్ద డిస్కషన్ జరుగుతోంది.