సుధీర్ కొత్త సినిమా కోసం సమ్మోహనం టైటిల్

Posted: 12/28/2017 03:58 PM IST

విభిన్నమైన కథా చిత్రాలను తెరకెక్కిస్తూ దర్శకుడిగా తనకంటూ ఓ ప్రత్యేకమైన గుర్తింపును మోహనకృష్ణ ఇంద్రగంటి సొంతం చేసుకున్నారు. కాస్త గ్యాప్ తర్వాత 'జెంటిల్ మెన్' .. ' అమీ తుమీ' చిత్రాలతో బ్యాక్ టూ బ్యాక్ హిట్లు కొట్టారు. ఆయన చిత్రాలు కూడా కాస్త డిఫరెంట్ టేకింగ్ తోనే సాగుతుంటాయి.

తాజాగా ఆయన సుధీర్ బాబు కథానాయకుడిగా ఒక సినిమాను తెరకెక్కించడానికి రెడీ అవుతున్నాడు. ఈ సినిమాలో కథానాయికగా అదితీరావును తీసుకున్నారు. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతోంది. ఈ సినిమాకి 'సమ్మోహనం' అనే టైటిల్ ను ఖరారు చేశారనేది తాజా సమాచారం.

శివలెంక కృష్ణప్రసాద్ నిర్మిస్తోన్న ఈ సినిమా, డిఫరెంట్ కంటెంట్ తో తెరకెక్కుతోందట. ఈ సినిమా తనకి హిట్ ను అందిస్తుందనే ఆశాభావంలో సుధీర్ బాబు ఉన్నాడు. అన్నీ కుదిరితే వచ్చే ఏడాది జూలైలో చిత్రం విడుదల కానుంది.