Posted: 12/08/2011 05:19 PM IST

బెల్లంకొండ సురేష్ ఈ మధ్య కాలంలో వరుస హిట్ సినిమాలు తీస్తు మంచి ఊపుమీద కనబడుతున్నాడు. ఈయన ఆ మధ్యన కందిరీగ, కాంచన వంటి హిట్ చిత్రాలు నిర్మించాడు. కందిరీగ సినిమాలో నటించిన హీరో రామ్ కి, నిర్మాత బెల్లం కొండకు పారితోషికం గురించి ఆ మధ్య గొడవలు జరిగిన విషయం తెలిసిందే. అయితే ఈ గొడవలకు కారణం ఓ ప్రముఖ డైరెక్టర్ అని తెలుస్తుంది. ‘ఏమాయ చేసావే’ లాంటి హిట్ చిత్రం తీసిన దర్శకుడు గౌతమ్ మీనన్ వీరిద్దరి మధ్య గొడవకు కారణం అని అనుకుంటున్నారు.

మరి ఈ గొడవకు కారణం ఏంటంటే.. గౌతమ్ మీనన్ చిత్రంలో రామ్ మొదట్లో హీరోగా ఓకే చేసాడు. అప్పుడు బెల్లంకొండ ఆ చిత్రాన్ని తెలుగు నిర్మాతగా తను వ్యవహరిద్దామని ప్లాన్ చేసి ప్రయత్నించాడు. అయితే రామ్ కి మాత్రం ఆ చిత్రం తన బాబాయ్ స్రవంతి రవికిషోర్ చేయాలని గౌతమ్ మీనన్ తో మాట్లాడి ఇప్పించే ప్రయత్నం చేసాడు.దాంతో బెల్లంకొండ కు కాలి ఆయన ఇవ్వాల్సిన డబ్బుని ఆపు చేయటం, అప్పుడు రామ్ ఫిల్మ్ ఛాంబర్ కి వెళ్లి మా లో కంప్లైంట్ చేయటం,వారు సీన్ లోకి వచ్చి డబ్బు ఇప్పించారు. చివరకు ఆ ప్రాజెక్టు రామ్ కు కూడా రాకుండా పోయింది. నాని వచ్చి సినిమా పూర్తి చేస్తున్నారు. దాంతో బెల్లంకొండ సురేష్,రామ్ ల మధ్య దూరం పెరిగింది. దాంతో కందిరీగ చిత్రం వంద రోజులు విజయవంతంగా పూర్తి చేసుకున్నా బెల్లంకొండ సురేష్ వంద రోజులు పంక్షన్ చేయటానికి ఆసక్తి చూపించటం లేదని అనుకుంటున్నారు.