Posted: 05/01/2012 03:39 PM IST

పవర్ స్టార్ పవన్ కళ్యాణ్ సౌత్ ఇండిమా గ్రేట్ డైరెక్టర్ శంకర్ దర్శకత్వంలో ఓ చిత్రం చేయబోతున్నారనే ప్రచారం ఆ మధ్య జరిగిన విషయం తెలిసిందే. శంకర్ రూపొందించిన సూపర్ హిట్ మూవీ ‘ఒకే ఒక్కడు’ సీక్వెల్ గా దీన్ని రూపొందించనున్నారని అప్పట్లో గుసగుసలు వినిపించాయి. ఈ సినిమాలో అర్జున్ ని శంకర్ ‘ఒక్కరోజు ముఖ్యమంత్రి’గా ఏ విధంగా చూపించాడో మనందరికి తెలిసిన విషయమే.

తాజాగా శంకర్ దీనికి సంబంధించిన కథను సిద్దం చేసుకుంటున్నాడని వార్తలు. అయితే కొందరు మాత్రం ఈచిత్రం మొదలు కాబోతోదంటూ ప్రచారం జరుగుతోంది. దీనికి ‘మనలో ఒక్కడు’ అనే టైటిల్‌ కూడా పెట్టేశారు పవన్ ఫ్యాన్స్. ముఖ్యమంత్రి ఎలా ఉండాలి? అనే కథాంశంతో ఇది రూపొందుతోందని చెబుతూ ఓ పోస్టర్ కూడా దర్శనం ఇస్తోంది. ఈచిత్రానికి ఎ.ఆర్.రెహమాన్ సంగీతం అందిస్తున్నారని, పి.సి.శ్రీరామ్ సినిమాటోగ్రఫీ, గణేష్ బాబు ప్రొడ్యూసర్ అంటూ అందులో పేర్కొన్నారు.

ఈ వార్తల్లో ఎంత నిజముందో లేదో తెలియదు కానీ పవన్ అభిమానులు మాత్రం ఆయన్ని ముఖ్యమంత్రిగా చూడాలని తాపత్రయపడుతున్నారు.  అయితే ఇదంతా కొందరు కావాలని చేస్తున్న ప్రచారమే అని, ఇప్పటి వరకు అలాంటి సినిమా ప్రతిపాదన రాలేదని పవన్ కళ్యాణ్, బండ్ల గణేష్ సన్నిహితులు అంటున్నారు. దీని పై పవన్ గానీ, శంకర్ గానీ నోరు విప్పితే నిజానిజాలు ఏంటన్నది తెలుస్తుంది. అప్పటి దాకా వేయిట్ అండ్ సీ.