Posted: 05/15/2012 01:38 PM IST

చెట్టుకు కాయాలు కాయకపోయిన నీడ నిచ్చే చెట్లు కొన్ని ఉంటాయి.  అలాగే  అందంగా లేకపోయినప్పటికి , సినిమా ఆఫర్లను చేజిక్కించుకుంటుంది అమలాపాల్? టాలీవుడ్ లో  అమలాపాల్  నాగ చైతన్యతో  బెజవాడ సినిమాలో నటించింది.  ఆ సినిమా అంతగా విజయం సాధించాలేదు.  అయిన అమలాపాల్ కు  సినిమా ఆఫర్లు కుప్పలు కుప్పలుగా వచ్చిపడుతున్నాయి.  ఇటు టాలీవుడ్ లోనే కాకుండా  అటు తమిళ, మలయాళ సినిమాల్లో కూడా  బిజీగా ఉన్నట్లు తెలుస్తుంది. ఆ బిజీ వలనే  అమలాపాల్  మాస్ రాజా రవితేజకు  షాక్ ఇచ్చినట్లు  టాలీవుడ్ వర్గాలు అంటున్నాయి.          

 అమలాపాల్ తాజాగా రవితేజకు హ్యాండిచ్చింది. రవితేజ హీరోగా నటించే 'సారొస్తారా' చిత్రం నుంచి ఆమె తప్పుకున్నట్టు తెలుస్తోంది. పరశురాం దర్శకత్వంలో అశ్వనీదత్ నిర్మించే ఈ చిత్రంలో కథానాయికలుగా త్రిష, అమలాపాల్ ఎంపికైన సంగతి మనకు తెలిసిందే. అయితే, తనకు డేట్స్ సద్దుబాటు కావటం లేదంటూ, తాజాగా అమలా ఈ చిత్ర నిర్మాతకు సారీ చెప్పిందట. భవిష్యత్తులో తప్పకుండా నటిస్తానని మాట కూడా ఇచ్చిందని అంటున్నారు. రామ్ చరణ్ తేజ, వినాయక్ కాంబినేషన్లో రూపొందే సినిమా షూటింగు కోసం త్వరలోనే ఈమె లండన్ వెళుతోంది. ఆ తర్వాత సముద్రకని దర్శకత్వంలో నాని, జయం రవి హీరోలుగా రూపొందే చిత్రం షూటింగులో పాల్గొంటుంది. మరి కొన్ని తమిళ, మలయాళ సినిమాలలో కూడా అమలా పాల్ నటిస్తోంది.